Redaksiiamyzǧa hat keldı. Är hattyŋ artynda adam taǧdyry tūrǧanyn tüsınsek, būl hattyŋ da arqalaǧan jügı auyr eken. Avtorlardyŋ aituynşa koronovirusqa bailanysty Germaniiadaǧy jūmystarynan elge oralǧanda Oraldaǧy äuejaidan tüsırıp alyp, karantinge jatqyzypty. Qazır barar jer, basar tauymyz joq dep otyr. Sondyqtan, bilıkten kömek bolmasa, halyqtan kömek bolar dep aryz hatty jariialaǧandy jön dep taptyq.
"Adyrna" ūlttyq portaly
Men Bazarbaeva Maral jäne Seitjanova Aqerke 18 nauryz künı “Air-Astana” ūşaǧymen “Frankfurt-Uralsk”, “ Uralsk – Nūr-sūltan”, “Nūr-sūltan – Almaty” baǧytynda elge oralyp, öz üiımızge jetu kerek bolǧanbyz. Alaida, Oral qalasyna jetkende elımızdegı tötenşe jaǧdaiǧa bailanysty 50-ge juyq memlekettık qyzmetkerler (därıgerler, polisiia,äue jelısınıŋ qyzmetkerlerı t.b) kütıp alyp, bızdı reisten qaldyryp, karantinge jatqyzdy. Arnaiy ortalyqqa ornalastyrar sätte bekıtılgen merzımge deiın bilet aqysy qaitarylatynyn aitty. Sondai-aq, tırkelgen meken-jai boiynşa üiımızge jetkızuge uäde berdı. Degenmen, jaǧadai bız kütkendei bola qoimady. Medisinalyq tekseru uaqytyly jürgızılmedı. Koronovirusqa bailanysty anyqtama ortalyǧy (1406), Oblystyq tubdispanserdıŋ bas därıgerı İmanǧaliev M.B.myrzalarǧa habarlasyp jürıp tekserısten öttık. Analiz nätejiesınıŋ özın basşylyqqa qaita-qaita habarlasyp jürıp, onynşy künı äreŋ aldyq. Al, bügın (13-şı künı) anyqtama qaǧazyn berıp, mekemenı bosatuymyzdy talap etıp otyr. Sebebın adam sanynyŋ köptıgımen ǧana tüsındırude. Soŋǧy aqşamyzǧa ūşaqqa bilet alyp kelgen bızder qaida bararymyzdy da bılmeimız. Öz jaǧdaiymyz özımızge mälım bolǧasyn ortalyqqa ornalasqan alǧaşqy künnen bastap qala basşylyǧymen, Nūr Otan partiiasynyŋ jauapty qyzmetkerlerımen, bilet aqysyn qaitarudy uäde etken “Air-Astana” äue jelısımen, BQO, Almaty jäne Nūr-sūltan qalalarynyŋ arnaiy ştab ökılderımen habarlasyp baǧudamyz. Sonda da mardymdy jauap alyp otyrǧanymyz şamaly. Alǧaş bolyp Oral qalalyq Nūr Otan partiiasy basşynyŋ orynbasary Gülnaz Maǧjanqyzymen bailanysqa şyqtyq. Ol kısınıŋ alǧaşqy jauaby “būl jaǧdaidy nazardan tys qaldyrmaimyz, mındettı türde mäselenıŋ şeşımın tabuǧa kömek qolyn sozamyz” –dep ümıt bergendei edı... Artynan äkımnıŋ orynbasarynan “bız eşteŋemen kömektese almaimyz”, oblys äkımınen “bız kömektese almaimyz, öz mäselelerın özderı şeşsın” – degen jauap alǧanyn jetkızdı. Būl jauap endı paida bolǧan ümıt ūşqynyn qaita söndırdı. #bizbirgemiz #uidebol dep törtkıl düniege jar salyp otyrǧan heştegter ötırık betperde bolǧany ma? Kelesı kezekte BQO tötenşe jaǧdaiǧa bailanysty qūrylǧan arnaiy ştabqa habarlastyq. Bızge jauap bergen Aslan esımdı jıgıt “sūraqty qarastyryp, qaita habarlasamyn” – dep tūtqany qoiǧanymen, az uaqyttan soŋ “bızde būl sūraqqa jauap qarastyrylmaǧan, tuysqandaryŋyz aqşalai kömektessın, kartochkalaryŋyzǧa audaryp jinaǧan aqşamen karantin bıtkenşe osynda päter jaldap tūryŋyzdar, qala aşylǧan soŋ qalai, qaida baratyndaryŋyzdy özderıŋız bılesızder” dep dürse qoia berdı. Karantinge bailanysty jūmystardyŋ bärı toqtatyldy, būl jaǧdai kelesı aiǧa deiın jalǧassa aqşany qaidan alamyz dep otyrǧan tuǧan-tuys bızge qalai kömek beredı? Bır ret kömektestı delık, onyŋ özı qanşa künge jetedı? Al, bügın mekemenı bosatudy sūraǧan karantin ortalyǧynyŋ basşylyǧyna jaǧdaidy qanşa tüsındırsek te “bız bılmeimız, qaida barasyzdar, ol sızderdıŋ mäselelerıŋız” – dep, jauapkerşılıkten qaşyp otyr. Amalymyzdyŋ joqtyǧynan KTK arnasynyŋ tılşılerımen bailanysqa şyqtyq. Jauapty mekeme basşysyna osyny jetkızıp, “eger bızdı quyp şyǧatyn bolsaŋyzdar,arna tılşılerıne män-jaidy baiandauǧa mäjbürmız” degennen keiın ǧana “jaqsy, bız sızderdı estıdık, qala basşylyǧymen habarlasyp mäselenı şeşuge tyrysamyz” degen jauapqa qol jetkızdık. Köp ūzamai tūratyn päter tabyldy, degenmen “alaidasy” bar. Kün-körıs, azyq-tülık özımızden bolu kerek eken. Būl jaǧdaidyŋ qanşa uaqytqa sozylary belgısız. Böten qalada, jūmyssyz bızdıŋ qaltamyzdaǧy tiyn qanşa künge jetetının oilau tıptı qorqynyşty. Sodan tüigenımız, qarapaiym halyqtyŋ jaǧdai ne bolary maŋyzdy emes, kögıldır ekrannan körıner abyroi ǧana maŋyzǧa ie eken ǧoi şendıler üşın... būl bızdıŋ ǧana emes, däl qazırgı uaqytta myŋdaǧan otandasymyzdyŋ arpalysyp otyrǧan mäselesı. Ökınıştısı de sol, şeşımı tabyla qoiuy köp nüktege jasyruly qūpiia...
