Qūrmettı dostar!!!
Ardaqty aǧaiyn!!!
Bır jyldan berı är öŋırde "Aqjünıs" erıktı Analar ūiymy jūmys ıstep jürmız. Qalai qūryldyq, qandai maqsatta qūryldyq - közıqaraqty oqyrman habardar.
Kei adamdar: "Analar sūrai bermei, tırşılık qylmai ma?" deidı...
Nän bastaǧan bilıktegıler analardy "masyldar" dedı. (Özderınıŋ aramtamaq ūrylar ekenın ūmytyp ketedı..🤗)
Eŋ aldymen, jūmyssyzdyq jailaǧan qoǧamda ömır sürıp jatqanymyzdy ūmytpaiyq... öndırıs joq, auyl şaruaşylyǧy joq, biznes ekınıŋ bırı alyp ketetın dünie emes... Adamdar, äsırese sol sızder "masyl" deitın analar 90-şy jyldary ala dorba aoqalap, bükıl qoǧamdy daǧdarystan alyp şyqty... esesıne köbı densaulyǧyn joǧaltty, otbasyn joǧaltty... Boiyndaǧy qūdai bergen qabıletın "monetizasiia" jasauǧa ol kısıler daiyn bolmai qaldy, bügın de daiyn emes... Tek azǧantai bölşegı ǧana boiyndaǧy darynyn "aqşaǧa" ainaldyra bılgenderı ǧana, şaǧyn biznesın döŋgeletıp äketkenı bolmasa, halyqtyŋ basym bölıgı dalada qalǧandar.
Mūny moiyndaiyq.
"Analar sūrai bermei, tırşılık qylmai ma?" deisızder...
Bügıngı künde tırşılıgı barlardyŋ özı tırşılık qyla almai, üige qamalyp otyr ǧoi...
Sūraǧandy, sūraǧandardy men de qūptamaimyn.
Alaida, öz nesıbemnen bas tartpaimyn. "Bergennıŋ qolynan, bermegennıŋ jolynan" demekşı... qazaq jerınde qazaq bop tuǧanym üşın osy jerdıŋ bailyǧynan Menıŋ de qūdai bergen nesıbem bar, Sızdıŋ de, Onyŋ da nesıbesı bar dep esepteimın.
"Tırşılık qylmai ma?" dep aqyl aitu oŋai. Aty bar, zaty bar, sauaty bar, 20 jyldyq täjıribesı bar, ekı diplomy bar menıŋ özımdı būl jüie "bort syrtyna" laqtyryp tastaǧan... menı qoişy... ol basqa gäp...😊
4-7-10 balaly analarǧa tırşılık qyl dep aita almaisyz, olardyŋ tırşılıgı de, bar jūmysy da sol balalardyŋ tamaǧyn daiyndap, kırın juyp, bırın balabaqşaǧa, bırın mektepke daiyndaumen ötedı. Olardyŋ memleketke qosqan ülesı - demografiiany kötergenı. Sol üşın alǧys aituymyz kerek. Sol üşın olarǧa ükımet te, bız de kömektesuımız kerek...
Al mügedek analarǧa, mügedek bala baǧyp otyrǧan analarǧa, bırneşe balamen jesır qalǧan, päter jaldap tūratyn analarǧa qandai tırşılık qyl deisız?..
Ärine, şamasy kelgenşe bärı tırşılık qyluǧa tyrysady, bırı eden juady, bırı kafede ydys juady t.b. Sol tırşılıkterı de toqtap, kislorodsyz qalyp otyrǧandar qanşama! Olar tügıl, bızdıŋ özımızdıŋ jūmysymyz toqtady... tūraqty jūmysy, tūraqty tabysy bolǧandardyŋ äiteuır, azyn-aulaq jiǧan qory bar, basynda baspanasy bar degendei... sondyqtan aqyldy da oilanyp aitu kerek siiaqty... Kömektese alasyz ba, kömektesıŋız. Kömektese almaisyz ba, tabalamaŋyz. Qai qazaq qaiyrşy bolaiyn dep boldy deisız. Bärınıŋ basynda jūmyssyzdyq, küizelıs, ūrys-janjal... Ras, qazaq qaiyr sūrauǧa namystanatyn.... bügınde köşede alaqan jaiyp qaiyr sūraityn, araq ışıp bomj bolatyn halge jettı.... kım kınälı?... ne kınälı?... Bırınşı - jüie, ekınşı - ärine, özderı... Alaida adamnyŋ bärın qūdai bırdei ǧyp jaratpaǧan ǧoi... bärıne bırdei sana-sezım, bärıne bırdei aqyl-parasat, bärıne bırdei küş-jıger, bärıne bırdei barmaqtai baq bermeidı... ärqaisysymyzdyŋ ömırden alar enşımız ärqalai... qūdaidyŋ bergenıne qarai...
Al köpbalaly otbasylarǧa, jetım-jesırlerge kömektesu kerek... "Jetımın jylatpaǧan el edık" deimız ǧoi.... Men bır närsege qarsymyn: balalardyŋ auzyna söz salyp, olardy "sūrauǧa" üiretpeu kerek, "sūranşaqtyq" psihologiiasynyŋ ūryǧyn seppeu kerek, kerısınşe, balanyŋ boiyndaǧy namysty qairau kerek... būǧan ata-ana jauapty...
Bızdıŋ "Aqjünıs" analar chattarynda Analarǧa "qaiyr" sūraudy aityp üiretetın siiaqty jiyrylatyndar bar.
Joq. Bırınşı künnen bastap bız öz chattarymyzda myŋdaǧan analardyŋ az-maz sauatyn aşuǧa, öz qūqyǧyn qorǧauǧa, azamattyq közqarasyn aşyq aita bıluge, sonymen bırge mädeniettılıkke, qūqyqtyq sauattylyqqa, qarjylyq sauattylyqqa jetelep, üiretuge tyrystyq. Bügınde är oblys, audan boiynşa ondaǧan chattarda otyrǧan jüzdegen Aqjünıs analar sol baǧytta özderın qalyptastyryp keledı. Azamattyq pozisiiasyn bıldıretın jerde bıldıredı, aitatyn jerde aitady, jazatyn jerde jazady, talap etetın jerde - talap etedı.
Keide jelılerden keibır Analardyŋ, Äielderdıŋ beiberketsızdıgın, şaipau mınezderın, qoǧamdyq oryndardaǧy tūrpaiy mınezderın körgende, jaǧamyzdy ūstaimyz...
Köpşılık Analarǧa säl de bolsa, sözım ötedı ǧoi dep, bügın Aqjünıs analar chatyndaǧy analarǧa da, basqa chattardaǧy analarǧa da, osyndaǧy keibır analarǧa da, - byltyr jiı aitatyn sözımızdı biyl taǧy bır qaitalauǧa tura keldı...
Bırınşı kezekte boiymyzdaǧy qazaq qyzyna tän, qazaq äielıne tän namysymyzdy, ar-ūiatymyzdy, jıgerımızdı joǧaltpaiyq. Jaǧdaiymyzdy aitsaq ta, jūrtqa jariialamai, jekege aituǧa tyrysaiyq.
Ekınşı: balalaryŋyzdy "sūratyp" videoǧa tüsırmeŋızder... tıptı, özderıŋız de bıreuden kömek sūrauǧa mäjbür bolsaŋyzdar, barynşa balalarǧa bıldırmei, körsetpei sūrauǧa tyrysyŋyzdar, kömektı aparyp bergende de, barynşa balalarǧa bıldırmeuge tyrysyŋyzdar. Kışkentailar "apa, kım berdı, qaidan aldyŋ?" dep sūrasa, "balaŋa pısırıp ber dep, qūdai berdı" deŋız...🤔 eresekterge "ataŋ berıp jıberıptı, apaŋ berıp jıberıptı senderge" dei salyŋyz....Balaǧa paidaly, özıŋızge ziiansyz ötırık aituǧa bolady...🤗
Qysqasy, aitqym kelgen närse - balanyŋ boiyndaǧy namysy ölmesın, öz qylyqtaryŋyzben balaŋyzdyŋ boiyndaǧy sol eŋ qūndy qasiettı öltırmeŋızder. Olardyŋ boiynda "Sūranşaqtanu" psihologiiasyn qalyptastyrmaiyq. Balany jylatyp, balanyŋ auzyna söz salyp "sūratyp" video tüsırmeŋızder. Ötınemın!!!..
Ärine, tömen tūrmysvŋyzdy körsetıp, balalaryŋyzdyŋ oinap jürgen videosyn tüsırıp joldauǧa bolady...
Zaman būlai tūra bermes. Özgerer. Olardyŋ bolaşaǧyn oilaiyq. Namysşyl, eŋbekqor etıp ösıreiık.
Aitqym kelgenı osy. Ärqaisysyŋyz özderıŋız tarazylap, saraptarsyzdar.
Qate aitsam, öz sözım özımdıkı...
Säule Äbıldahanqyzy
