Örtengen üiden jergılıktı tūrǧyn men kämeletke tolmaǧan ekı qyzynyŋ denesı tabyldy. Äieldıŋ küieuıne ädeiı ört qoidy degen aiyp taǧylyp otyr
Batys Qazaqstan oblysynda äielı men qyzdary bolǧan üidı ädeiı örtep jıberdı degen küdıkpen er adam ūstaldy. Ol Tasqaly audany Aqtau auylynyŋ tūrǧyny, dep habarlaidy öŋırlık "Uralskaia nedelia" basylymy.
Qaiǧyly oqiǧa beisenbı, toǧyzynşy säuırde bolǧan.
Ört söndıruşıler janyp ketken üiden äiel men kämeletke tolmaǧan ekı qyzdyŋ denesın tapty.
Polisiia küdıktını ūstady. Aldyn ala aqparat boiynşa ol marqūm äieldıŋ küieuı.
"Jer üi örtengen. Ört söndıruşıler bırınşı jäne ekınşı synypta oqityn ekı qyzdyŋ jäne olardyŋ anasynyŋ mäiıtın tapty. Kriminaldy polisiia basqarmasy er adamdy ūstady. Ol üige ädeiı ört qoidy degen küdıkke ılındı",- dep mälımdedı vedomstvodan.
Oblystyq polisiia departamentı baspasöz qyzmetınıŋ aqparatynşa, er adam qaiǧyly oqiǧadan keiın özıne qol salmaq bolǧan. Osylaişa auruhanaǧa jatqyzylǧan.
Köz jūmǧan adamdardyŋ mäiıtı sot-medisinalyq saraptamaǧa jıberıldı. Oqiǧanyŋ män-jaiy anyqtalyp jatyr.
Sputnik
