Aralaryŋyzda bır adam şyndyqty aitsa, kollektiv bolyp jabylyp, bastyqtaryŋa jaǧympazdanyp sol şyndyq aitqan adamnyŋ tübıne jetetın edıŋder!
Mysal retınde keşegı Merkıdegı därıgerdı alsam bolady.
Özderıŋ jaǧympazdanyp jasap alǧan jüienıŋ nätijesın körıŋder endı!
"Bızdı bai baǧlandar,şeneunıkter syilamaidy, solardyŋ şet elge demalyp kelgenı bızge mındettei"-dep jylamai-aq qoiyŋyzdar!
Solardy solai tairaŋdatyp qoiǧan, myna özderıŋız!
"Sälemetsız, artyŋyzǧa qalai kırsem,bolady"- dep jürgen ärbırıŋız! Öz azamattyq ūstanymy joq, jemqorlyqpen kürese almaityn qorqaq jaǧympaz satqyndardyŋ arqasynda osylai bolyp otyr.
Men köşege mitingke şyq demeimın! Saǧan qyzmet etuge kelgen basşynyŋ artyna jaǧympazdanyp kıre bermei, zaŋdy türde kollektiv bolyp özderıŋe tiesılı dünielerdı osy uaqytqa deiın sūraǧanda, qäzır märtebelerıŋ biık bolatyn edı!
Al endı kelıp eldıŋ basyna kün tuǧanda, bärıŋ jüienıŋ bylyǧyn körıp qalypsyŋdar! Būl jemqorlyq,būl bylyq biyl ǧana paida bolǧan joq!
Būl özderıŋ qoldan jasaǧan jüie!
Prezident auysu kerek deisıŋder me? Myŋ prezident auysyp kelse de, halyq özı özgermei, jüie özgermeidı!
Jaǧympazdyq, satqyndyq, artqa kıru,öz qarabasyn oilau būl jemqorlyqty qoldau, qoldan jasau bolyp tabylady!
Iаǧni öz azamattyq pıkırın aita almai jürgen ärbırıŋız oilanyŋyzdar, memleket bır adamnan qūralmaidy. Memlekettıŋ osyndai jaǧdaiǧa jetkenıne ärbırımız kınälımız!
Jemqor basşynyŋ qylmysyn jasyryp otyra beretın bolsaŋdar, osylai sorly bolyp jürgenderıŋ jürgen!
Prezidentımız mümkındık berıp otyr.
"Bız estuşı memleketpız"- dep, sen öz oiyŋdy aşyq aituşy azamat bol!
Sol kezde ǧana batpaqqa batyp bara jatqan eldı qūtqaryp qalamyz!
Aigül Orynbek
