Almaty oblysynda tórt saıajaı massıvi jabyldy. Ol jerde KVI aýyrǵan 9 jaǵdaı tirkeldi, dep habarlaıdy coronavirus2020.kz.
Habarlamada: "COVID-19 dıagnozy rastalǵan 11-shi paıentpen baılanysta bolǵan azamattar provızorlyq gospıtalǵa jatqyzylyp, olardan sol mezette KVI analızi alynǵan bolatyn. Qorytyndylar alynyp, 9 adamnyń indet juqtyrǵany anyqtaldy. Oblystyq shtabtyń kelisimimen Eńbekshiqazaq aýdanyndaǵy birden tórt saıajaı massıvi - "Altyn adam", "Kóksaı", "Altyn alma" jəne "Bereke" karantınge jabyldy, - delingen.
Oblys əkiminiń tasyrmasymen turǵyndardyń tizimi jasaldy, qajettiligine qaraı olar azyq-túlikpen jəne qyzmet túrlerimen qamtamasyz etiledi.
Eńbekshiqazaq aýdanynyń bas sanıtar dərigeri qaýly qabyldady. Qazir karantın rejımin qatań saqtaýdy qamtamasyz etetin qyzmetter jumyldyryldy.