Shymkentte eki kún qatarynan tolassyz jaýǵan jaýyn sýy birqatar aýlalarǵa kirgen. Sáýirdiń 12-13 kúnderi tótenshe jaǵdaılar qyzmetine Qarataý jáne Abaı aýdandarynyń aýmaǵynan órt sóndirý jáne qutqarý bólimshelerina eki ret shaqyrtý kelip túsken. Qutqarýshylar mekenjaı boıynsha baryp, kóshe boıyndaǵy birqatar úılerdiń aýlalaryn jaýyn sýynan tazalaý jumystaryn atqardy.
Jalpy bul jumystarǵa departamenttiń 20-ǵa jýyq jeke quramy jáne 4 tehnıkasy jumyldyryldy, 200-den asa tekshe metr sý shyǵaryldy.
Shymkent qalasy TJ departamentiniń bastyǵy azamattyq qorǵaý polkovnıgi Nurbolat Derbisov sý basý jaǵdaılaryn aldyn alý maqsatynda aqpan-naýryz aılarynda jeke quramnyń jáne eriktilerdiń qatysýymen Qoshqar ata, Qarasý ózendiri boıynda, aryq-atyzdardy qoqystan tazalaý jumystary boıynsha senbilik ótkizilgenin atap ótti.
Sonymen qatar, sý tasqyny maýsymynda Shymkent qalasy TJ departamentiniń 297 adam jeke quramy, 49 tehnıkasy jáne 28 júzý quraldary, 41 motopompa, qalalyq kommýnaldyq qyzmetteriniń quramynda 224 adam, 14 birlik tehnıka (vakýýmdy avtoısternalar) jáne 19 birlik motopompasy bar kúshteri men quraldary tótenshe jaǵdaılarǵa áreket etýge daıyndyqqa keltirilgendigi de aıtyldy.
Departament bastyǵy qala turǵyndaryn kóktem mezgilinde jaýyn-shashyn jáne erigen qar sýlary saldarynan sý basý qaýpiniń aldyn alý maqsatynda aýmaqtaǵy ırrıgaııalyq jáne úıishilik aryqtardy qoqystan tazalaý jumystaryna atsalysýǵa shaqyrdy.
Shymkent qalasy tótenshe jaǵdaılar jónindegi shtaby
