Üstemaqy alǧan şymkenttık därıgerler memlekettıŋ qoldauyna alǧystaryn aityp jatyr. Bügıngı taŋda Şymkent qalasynda 1290 medisisina qyzmetkerıne üstemaqy tölendı.
Memleket basşysy Qasym-Jomart Toqaev koronaviruspen küresıp jatqan medisina qyzmetkerlerıne kömek körsetu turaly tapsyrma bergen bolatyn.
Būl rette, memlekettıŋ qoldauyna ie bolǧan üşınşı megapolistıŋ därıgerlerı öz alǧystaryn bıldırıp jatyr. Sonyŋ bırı Şymkent qalalyq jūqpaly auruhanalar auruhanasynyŋ medbikesı — Ǧaziza Lesbekova.
– Öz atymnan jäne osy jerdegı därıgerlerdıŋ bärınıŋ atynan Memleket basşysy Qasym-Jomart Kemelūlyna alǧys bıldıremın. Qazır otbasymyzdan jyraqta jürıp, nauqastarǧa qajettı em-dom jasap, kömektesıp jatyrmyz. Jergılıktı basşylyq tarapynan medisina mamandary arnaiy jataqhanamen qamtylǧan. Oǧan qosa eŋbegımızdı elep, qarjylai qoldau bıldırgenı osyndaǧy barlyǧymyzdy zor quanyşqa keneltıp otyr, — deidı Ǧ. Lesbekova.
Jalpy Şymkent qalasynda 1290 medisisina qyzmetkerı üstemaqy aldy. Oǧan säikes, medisina qyzmetkerlerı jūmysynyŋ qauıptılıgıne qarai 3 topqa bölıngen. Bırınşı sanattaǧy öte qauıptı jaǧdaida jūmys ısteitın 24 qyzmetkerge 8,7 mln teŋge bölındı. Ekınşı sanattaǧy qalypty jaǧdaida jūmys ısteitın därıgerler men feldşelerge, 845 medisina mamandaryna 258,3 mln teŋge bölındı. Üşınşı deŋgeidegı qauıpsızdık jaǧdaiynda jūmys ısteitın 421 medisina ūiymynyŋ qyzmetkerıne 51,3 mln teŋge bölındı.
Aita ketsek, üstemaqy alǧandar reanimasiia bölımderımen qosa alǧanda, jūqpaly aurular stasionarlarynyŋ därıgerlerı, karantindık aimaqtaǧy orta jäne kışı medisina qyzmetkerlerı. Sondai-aq provizorlyq stasionar men jedel järdem qyzmetınıŋ därıgerlerı men jedel-järdem jürgızuşılerı. Şymkent qalasy tötenşe jaǧdailar jönındegı ştaby
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz