AQŞ prezidentı Donald Tramp.
AQŞ prezidentı Donald Tramp qaramaǧyndaǧylarǧa koronavirus ındetı töŋıregındegı jaǧdaiǧa bailanysty Düniejüzılık densaulyq saqtau ūiymyn qarjylandyrudy toqtatudy tapsyrdy.
14 säuırde Tramp DDSŪ "negızgı mındetın atqara almady jäne sol üşın jauap beruı tiıs" dep mälımdedı. Aq üide bolǧan brifing kezınde Tramp Vaşington "basqarmanyŋ jıbergen qatelıkterın anyqtap bolǧanşa" ekı-üş ai ūiymdy qarjylandyrmaidy dedı. Prezidenttıŋ pıkırınşe, BŪŪ qūrylymyna qarasty ūiym Qytaidan tüsken habarlamalardy mūqiiat zerttegen bolsa, ındettıŋ taraluyna jol bermei, talai adamnyŋ ömırın saqtap qalar edı.
Al BŪŪ-nyŋ bas hatşysy Antonio Guterriş qazır koronaviruspen küresıp jatqan kez kelgen gumanitarlyq ūiymdy qarjylandyrudy toqtatyn mezgıl emes dep aitty. Ol arnaiy mälımdeme taratyp, halyqaralyq qauymdastyqty koronaviruspen bırıgıp küresuge şaqyrdy.
Djon Hopkins universitetınıŋ mälımetı boiynşa, soŋǧy bır künnıŋ ışınde AQŞ-ta 2 228 adamnan koronavirus tabylǧan. Elde 600 myŋnan astam adamǧa virus jūqqan, 25 700-den astam adam qaitys bolǧan. Būl älem boiynşa eŋ joǧary körsetkış.
"Azattyq" radiosy
