ŞYMKENT: JOL SAPASY BASTY NAZARDA!

Qala aumaǧyndaǧy jol mäselesı aldaǧy bırneşe jylda kezeŋ-kezeŋımen şeşımın tabady. Şymkenttıŋ qūramyna engen 41 eldı mekennıŋ de infraqūrylymy qaita qaralady. Milliondy qaladaǧy joldy jöndeu jūmystaryna biyl qazynadan 25 mlrd. teŋgeden astam qarjy bölıngen. Būl qomaqty qarajat. Ony uaqytynda ärı maqsatty igeruımız qajet, dedı şahardaǧy jol qūrylysymen tanysqan qala äkımı Mūrat Äitenov. Merdıgerler kompaniialar men tehnikalyq qadaǧalauşy ūiymdardyŋ ökılderımen jüzdesken qala basşysy joldyŋ sapasyn qūrylys bıtken soŋ emes kemşılıkterdı aldyn-ala anyqtap, joiu kerektıgın eskerttı. – Būǧan deiın jol salynyp bolǧan soŋ baryp sapasy tekserıletın. Qazır qūrylys jürıp jatqan kezde baqylauǧa mümkındık bar. Ol üşın arnaiy jyljymaly zerthanalar jūmys ısteude. Zamanaui qūrylǧy olqylyqty der kezınde anyqtap beredı, deidı «Jol aktivter sapasy ortalyǧy» filialynyŋ direktory Mūhtar Düisenbekov. Qala äkımı atalǧan ortalyqqa jol qūrylysynyŋ sapasyn qatau baqylauǧa aludy tapsyrdy. Şymkente jalpy avtomobil joldarynyŋ jalpy ūzyndyǧy 2 976,6 şaqyrymdy qūraidy. Onyŋ 1 758 şaqyrymyna asfalt töselgen. Qalada biyl 417,6 şaqyrym jolda qūrylys jäne jöndeu jūmystary jürgızılude. Oǧan biudjet esebınen 25,6 mlrd.teŋge baǧyttalǧan. Onyŋ 5,1 mlrd. qarjysy respublikalyq, qalǧan 20,5 mlrd. teŋgesı jergılıktı biudjetten qaralǧan. Būl qarjyǧa 294 şaqyrym jol men 6 köpır jäne 1 jolairyq salynuda. Bügınde qalalyq maŋyzy bar magistraldy köşelerdıŋ 75,3 şaqyrymynda qūrylys jūmystary jürgızılude. Onyŋ ışınde D.Qonaev daŋǧyly jalǧasynyŋ qūrylysy men ainalma jolynyŋ qaita qūru jūmystary qamtylǧan. Irı jobalar qaladan şyǧatyn barlyq baǧyttardy qamtyp otyr. Atap aitqanda Taşkent, Türkıstan jäne Almaty baǧyttaryna şyǧatyn joldar jöndelude. Oǧan qosa qala joldarynda kölık keptelısterın boldyrmau maqsatynda, 4 jolairyqtyŋ qūrylysyn jürgızu josparlanuda. «Nūrtas» şaǧynaudanynda biyl 18,8 şaqyrymdy qūraityn 11 köşenıŋ kürdelı jäne ortaşa jöndeu jūmystaryna 1,1 mlrd., al, «Bozaryqtaǧy» 6 köşege 230,8 mln. teŋge qarjy qaraldy. Oblystyq maŋyzy bar QH-82 avtomobil jolynyŋ 18,1 şaqyrymyna kürdelı, 8 şaqyrymy qaita qūrylymdaudan ötıp jatyr. Sairam su özenınıŋ üstıne salynyp jatqan köpır qyrküiekte paidalanuǧa berılmek. «Sairam» şaǧynaudanynda 6 köşenı ortaşa jöndeuge 164,8 mln. qaralsa, «Bazarqaqpadaǧy» 3 köşenı ortaşa jöndelıp jatyr. Qala äkımı Mūrat Äitenov osy atalǧan jol qūrylysynyŋ jūmysymen jeke-jeke tanysyp şyqty. Tūrǧyndarmen jüzdesıp köpşılıktıŋ kökeiınde jürgen saualdarǧa jauap berdı. Şetkı tūrǧyn alaptardyŋ aqsaqaldary qoǧamdyq kölık, jol, jaryq mäselelerı boiynşa atqarylyp jatqan jūmystar üşın qala äkımıne rizalyǧyn bıldırıp, aq batasyn berdı.