Bügın aqparattyq-kommunikasiialyq ortalyǧynda tötenşe jaǧdai kezınde kommunaldyq qyzmetterdı jetkızuşılerdıŋ şyǧyndaryn öteu, karantin uaqytynda tūrǧyn üige onlain qūjat räsımdeu, sondai-aq atauly äleumettık kömek pen 42 500 teŋge äleumettık kömek alu boiynşa onlain-brifing öttı.
Brifing barysynda Şymkent qalasy äkımınıŋ orynbasary Nūrsadyq Ergeşbek karantinge bailanysty halyqtyŋ jekelegen sanattarynyŋ kommunaldyq şyǧyny üşın berıletın 15 myŋ teŋgege qatysty qala tūrǧyndarynyŋ sūraqtaryna jauap berdı.
- Prezident tötenşe jaǧdai men karantin uaqytynda tūrǧyndardyŋ kommunaldyq qyzmetke töleitın aqysynyŋ mölşerın azaitu boiynşa jüielı şaralardy äzırleudı tapsyrdy. Ötemaqyny alatyndardyŋ qatarynda mügedekter, mügedek balalardy tärbielep otyrǧan otbasylar, köpbalaly janūialar, soǧys ardagerlerı, jalǧyzbasty zeinetkerler t.b sanattaǧy azamattar bar. Ol sanattar boiynşa qalada jalpy 100 308 adam ümıtker. Naqty abonenttık şoty bar adamdardyŋ sany qazır anyqtaluda. Ötınımderdı qabyldau boiynşa communal-komek.kz elektrondyq portaly qūryldy, onda kömek alu şarttary körsetılgen. Kömek körsetu säuır jäne mamyr ailaryn qamtidy, - dedı qala äkımınıŋ orynbasary.
Sondai-aq brifingte qalalyq tūrǧyn üi jäne tūrǧyn üi inspeksiiasy basqarmasynyŋ basşysy Ǧalymjan Tölepov elımızdegı tötenşe jaǧdaiǧa bailanysty azamattardyŋ tūrǧyn üi kezegıne egov.kz portaly arqyly tırkelu mümındıgı bar ekenın, qosymşa aqparat alu üşın 56-62-89 nömırıne habarlasu kerektıgın aitty.
Al jūmyspen qamtu jäne äleumettık qorǧau basqarmasy basşysynyŋ m.a. Janat Ötebaeva qazırgı deiın qala boiynşa 228 223 azamatqa 42 500 teŋge kölemınde äleumettık kömek taǧaiyndalǧanyn atap öttı. Sondai-aq ol atauly äleumettık kömek boiynşa atqarylyp jatqan jūmystardy baiandap, qūjattardy onlain türınde räsımdeu tärtıbın tüsındırdı.
Baspasöz mäslihaty Facebook äleumettık jelısınde (Şymkent Aqparattyq Kommunikasiialyq Ortalyq paraqşasynda) tıkelei efirde körsetılıp, bırqatar maŋyzdy saualdarǧa jauap berıldı. Barlyq kelıp tüsken saualdarǧa jazbaşa türde jauap jıberıletın bolady.
Şymkent
