Şymkent: Qaulyǧa engızılgen özgerıster tüsındırıldı

2517
Adyrna.kz Telegram
https://adyrna.kz/content/uploads/2020/04/qauly.jpg
Bügın aqparattyq-kommunikasiialyq ortalyǧynda qala äkımınıŋ orynbasary Maqsūt İsahovtyŋ qatysuymen Şymkent qalasynyŋ Bas memlekettık sanitariialyq därıgerınıŋ 2020 jylǧy 2 säuırdegı №9 qaulysyna engızılgen özgerıster jönınde onlain-brifing öttı. - Atalǧan qauly boiynşa auylşaruaşylyǧyna qatysty jäne taǧy da ekı sanatqa qosymşa özgerıster engızıldı. Karantin kezınde mūqtaj jäne zardap şekkenderge, qart adamdarǧa volenterlık kömek körsetetın qaiyrymdylyq qorlardyŋ (ädılet ūiymdaryna tırkelgen jaǧdaida) qozǧalysyna rūqsat berıldı. Sonymen qatar qala tūrǧyndarynyŋ ömır süru tırşılıgıne asa qajettı bolǧandyqtan, «Qazteleradio» AQ kompaniiasynyŋ qyzmetkerlerıne rūqsat etılıp otyr. Qaulyda engızılgen taǧy bır özgerıstıŋ bırı, auylşaruşylyǧyna qatysty, iaǧni köktemgı dala jūmystaryn, tabiǧatty qorǧau, veterinariialyq, auyl şaruaşylyǧy, sondai-aq, ara şaruaşylyǧy ıs-şaralaryn jürgızuge, ony rastaityn memlekettık tırkeu kuälıktı (şarua qojalyǧy, fermerlık şaruaşylyq, jauapkerşılıgı şekteulı serıktestık, auyl şaruaşylyǧy tauaryn öndıruşı, kredittık serıktestık jäne şaruaşylyq jürgızu qūqyǧyndaǧy memlekettık kommunaldyq käsıporyn, jeke käsıpker), jeke kuälıktı, sondai-aq, jūmyskerler üşın jūmys ornynan anyqtamasyn (mörımen kuälandyrylǧan erkın ülgıdegı anyqtama) ūsynǧan kezde jäne olardyŋ kölıkterı blok-beketterden kedergısız ötkızıledı. Būl rette kölık qozǧalysy tolyq baqylauda. Atalǧan qauly 2020 jylǧy 22 säuırden qoldanysqa engızıldı, - dedı Maqsūt İsahov. Eske sala ketsek, Şymkent qalasynyŋ barlyq aumaǧynda 2020 jyldyŋ 19 säuırı saǧat 00:00-den bastap 01.05.2020 jyly saǧat 07.00-ge deiın bırqatar şekteuler engızılgen bolatyn. Oǧan säikes, aiyrbastau punktterınıŋ, mikrofinanstyq ūiymdardyŋ qyzmetın onlain jūmys rejimıne jäne «klientterge deiın jetkızu» prinsipı boiynşa köşıru arqyly uaqytşa şekteldı. Sonymen bırge, qalada qoǧamdyq kölıkter jūmysyn uaqytşa toqtatty.

Şymkent

Pıkırler