Bügınde AQŞ COVID-19 jūqtyrǧan adam sany boiynşa da, qaitys bolǧan adam sany boiynşa da bırınşı orynda. Koronavirus eldıŋ köptegen qalasynda tırkelgen. Virusty jūqtyrǧandardyŋ sany millionǧa juyqtaǧan eldıŋ qazırgı jaǧdaiy qandai? Būl turaly Tengrinews.kz tılşısı Oregon ştatynda tūryp jatqan Aisūlu Abeldinadan sūrastyrdy.
Aisūludyŋ otbasymen AQŞ-ta tūryp jatqanyna bır jyldai bolǧan. Ol - ioga boiynşa nūsqauşy. Aisūludyŋ aituynşa, qūrama ştattardaǧy qazırgı jaǧdai tūraqty emes.
"AQŞ-ta koronavirus jūqtyrǧan 824 myŋnan asa adam anyqtaldy. Eldegı qazırgı jaǧdai tūraqty emes. Tramp karantindı toqtatpaq. Sebebı el ekonomikasy taǧy bır ai karantin jariialansa şydamauy mümkın. Al gubernator-demokrattar būǧan qarsy. Sondyqtan kei ştattarda karantinge qarsy adamdar mitingıge şyǧyp jatyr. Al Oregondaǧy jaǧdai tūraqty. Bıraq būl ştat Trampqa qarsy şyqqan özge de ştattarmen bırıkken. Oregonda 595 nauqas anyqtaldy", - deidı Aisūlu.Keiıpkerımız halyqqa körsetıletın äleumettık tölem turaly söz qozǧady.
"Bızde karantin jariialanǧan. Qoǧamdyq oryndar jabyq, tek azyq-tülık dükenderı men auruhanalar jūmys ıstep tūr. Jergılıktı bilık azyq-tülık sebetın tarata bastady. Ol üşın arnaiy qūjattyŋ da qajetı joq. Odan bölek, jyldyq tabysy 75 myŋ dollardan az adamdarǧa 1200 dollardan jäne är balaǧa 500 dollardan berıledı. Qaşyqtan jūmys ıstei alatyndar onlain ısteidı. Köptegen adam üide jūmyssyzdyqqa bailanysty järdemaqy alady. Jalaqynyŋ 60 paiyzy tölenedı. Qajet käsıporyndar ǧana jūmysyn jalǧastyryp jatyr", - deidı Aisūlu.Aisūludyŋ aituynşa, jergılıktı tūrǧyndar syrtta jürgen kezde araqaşyqtyqqa ülken män beretın körınedı.
"Dükende adam sany öte az. Barlyǧy araqaşyqtyqty saqtap jüredı. Jalpy dükenderge adamdy az-azdan kırgızedı. Tıptı trotuardyŋ boiynda ketıp bara jatqanda qarsy bette adam kele jatsa, joldyŋ arǧy şetıne ötıp ketedı", - deidı keiıpkerımız.
