Tájikstan astanasyndaǵy N 1 lıeıde deneshynyqtyrý muǵalimi Hýrshed Karımov ókpe aýrýynan qaıtys bolyp, bilim mekemesindegi oqýshylardy úıge qaıtarǵan. Bul týraly "Adyrna"Central Asian-ǵa silteme jasap habarlaıdy.
Lıeıde 400-den astam oqýshy bar. Ata-analardyń aıtýynsha, lıeı ýaqytsha jabyldy, onyń qashan ashylatyny ázirge belgisiz.
"Deneshynyqtyrý muǵalimi Hýrshed Karımov ókpe aýrýynan qaıtys bolǵanyn, sol sebepti sabaq bolmaıtynyn lıeı basshylyǵy aıtty. Barlyǵy úıge qaıtty. Balalar qorqyp otyr, óıtkeni olar koronavırýs aýrýy tarap jatqanyn biledi" dedi lıeı oqýshysynyń biri.
Hýrshed Karımov eki apta buryn pnevmanııa belgilerimen aýrýhanaǵa túsken, deıdi lıeıdegi bir muǵalim. Onyń aıtýynsha, sabaq toqtap turǵanymen, muǵalimder jumysqa shyǵyp júr.
Dýshanbe qalalyq densaýlyq saqtaý basqarmasynyń málimdeýinshe, alańdaýǵa negiz joq - lıeıde eshkim koronavırýs juqtyrmaǵan.
Marqumnyń týystarynyń biriniń aıtýynsha, Hýrshed Karımovtiń denesin týystaryna bermedi, al múrde oralǵan matadan hlor ıisi shyǵyp turǵan. "Hýrshedtiń densaýlyǵy eki kún ishinde ýshyǵyp ketti. Ol týystardy jınap, barlyǵymen qoshtasqan" deıdi marqumnyń týysy.
Tájikstan bıligi elde koronavırýs aýrýy tirkelgen joq deýden tanbaı otyr. Degenmen sońǵy kúnderi pnevmonııa men týberkýlezden birneshe adamnyń qaıtys bolýy elde koronavırýs taralyp jatyr degen sybysty kúsheıtti.
"Adyrna" ulttyq portaly
