Bügın Aqparattyq kommunikasiialar ortalyǧynda Şymkent qalasy Polisiia Departamentınıŋ bastyǧy, polisiia polkovnigı Eraly Jūmahanbetovtyŋ qatysuymen tötenşe jaǧdai kezınde qaladaǧy qauıpsızdıktı qamtamasyz etu boiynşa onlain-brifing öttı.
Departament basşysynyŋ mälımdeuınşe, qazırgı taŋda karantinge bailanysty qalada 2000-nan astam adam täulık boiy 3 auysymda qyzmet etude. Oǧan 1206 polisiia qyzmetkerı, №35748 Äskeri bölımınıŋ 196 sarbazy, 559 Ūlttyq Ūlan sarbazy jäne 216 medisina mamandary jūmyldyrylǧan. Aita keterlıgı, jyl basynan qala aumaǧynda jalpy qylmystyŋ sany 17%-ǧa, tötenşe jaǧdai kezınde 39%-ǧa azaiyp otyr.
- Koronavirus ındetınıŋ aldyn alu baǧytynda poliseiler tarapynan ügıt-nasihat jäne tüsındıru jūmystary küşeitıldı. Qalada qauıptı ındetke orai 60 oşaq pen 6 provizorlyq ortalyq bar. Köşeler men qiylystarda 20 būǧattau beketı qoiylyp, oǧan 300-dei polisiia qyzmetkerı jūmyldyryldy. Kölıkter men azamattardyŋ qozǧalysy qyzmettık planşetterdıŋ kömegımen qataŋ tekserılıp jatyr. Rūqsaty joq avtokölıkterdıŋ qozǧalysyna jol berılmeude, - dep atap öttı Polisiia departamentınıŋ basşysy.
Eraly Jūmahanbetov atap ötkendei, Şymkenttıŋ kıreberısterındegı 18 blok-bekette bügınde 195 polisiia qyzmetkerı jūmyldyrylǧan. Osy künge deiın blok-beketterden jalpy 67367 avtokölık (47836 azamat) tekserılgen. Onyŋ ışınde qaladan şyqqan 12130 avtokölık (16289 azamat); qalaǧa kırgen 20803 (26962 azamat); tranzit 2790 (4585 azamat) tekserılıp ötkızılgen; rūqsaty joq 31653 avtokölık ötkızılmei, qaitarylǧan.
Tötenşe jaǧdai kezeŋınde, qoiylǧan şekteuler men sanitarlyq talaptardy saqtamaǧany üşın 869 tūlǧaǧa ÄQBtK-nıŋ 476-babymen äkımşılık hattama toltyrylǧan. Onyŋ 354-ı boiynşa Mamandandyrylǧan äkımşılık sotymen şeşım qabyldanyp, 76 jait boiynşa tūlǧalar äkımşılık qamauǧa alynǧan, 127 tūlǧaǧa aiyppūl salynǧan, 151 tūlǧaǧa eskertu berılgen. Sondai-aq tötenşe jaǧdai kezeŋınde 6 qylmystyq ıs tırkelgen.
Brifingte Eraly Mūsaälıūly qalada rūqsat alǧan avtokölıkterdıŋ ielerı jäne azamattardyŋ basym bölıgı tötenşe jaǧdaiǧa nemqūraily qarap jatqanyn da tılge tiek ettı.
- Monitoring jürgızu barysynda köşede beibereket jürgender, köpqabatty üilerdıŋ aulasynda balalary betperdesız jäne ata-ana qarauynsyz jürgenderı anyqtaluda. Osy oraida, qala tūrǧyndaryna aitarymyz, polisiia tarapynan aitylǧan talaptardy oryndauǧa şaqyramyn. Qabyldanyp jatqan şaralar eŋ aldymen ındettıŋ taraluyna jol bermeuge jäne azamattardyŋ ömırı men densaulyǧyna qauıp töndırmeuge baǧyttalǧan. Azamattardyŋ tarapynan qūqyqbūzuşylyqtar oryn alǧan jaǧdaida QR ÄQBtK-nıŋ 476-baby boiynşa äkımşılık şara qoldanylady. Syn saǧatta bırlese otyryp, küş-jıgerımızdı jūmyldyrsaq, būl ındettı jeŋıp şyǧamyz, - dedı E. Jūmahanbetov.
Şymkent
