Būl turaly Şymkent qalalyq densaulyq saqtau basqarmasy habarlady. Sala mamandarynyŋ aituynşa, qala aumaǧynda 1174 azamat monitoringtık baqylauǧa alynǧan. Onyŋ ışınde: stasionarda – 826, üi karantinınde – 348.
Indetke bailanysty megapoliste 71 oşaq tırkelıp, bügınde onyŋ 7-ınen karantin alynǧan. Oqşaulanǧan nüktelerge üş jüzge juyq polisiia qyzmetkerı men 559 Ūlttyq ūlan sarbazy jūmyldyrylǧan.
Aita keteiık, tūrǧyndardyŋ ömırı men qauıpsızdıgın, densaulyǧyn saqtau üşın 4 säuırden Şymkentke karantin engızıldı. Jergılıktı bilık pen medisina mamandary jäne poliseiler men äskeriler küşeitılgen rejimde jūmys ısteuge köştı.
18 blok-beket ornatylyp, jeke kölıkter men azamattardyŋ qozǧalysyna şekteu qoiyldy. Maskalyq rejim engızılıp, bırqatar mekemeler men ūiymdardyŋ qyzmetı toqtatyldy.
Azyq-tülık pen därı-därmek satatyn obektılerden özge oryndardyŋ jūmysy uaqytşa şekteldı. Bılım mekemelerı qaşyqtyqtan oqytuǧa köşıp, bankter onlain rejimde qyzmet körsetuge kırıstı. Qoǧamdyq kölıkterdıŋ qyzmetı toqtatylyp, qala aumaǧyn dezinfeksiialau jūmystary küşeitıldı
Bır sözben aitqanda tūrǧyndardyŋ qauıpsızdıgı üşın auqymdy jūmystar qolǧa alyndy.
2020 jylǧy 24 säuırdegı jaǧdai boiynşa Şymkentte ındet jūqtyrǧan 139 jaǧdai tırkeldı.
18 nauqas auruynan aiyǧyp üiıne şyǧaryldy. Ökınışıke orai, 4 azamat köz jūmdy. Qaitys bolǧandardyŋ üşeuı Türkıstan oblysynyŋ, bıreuı Şymkent qalasynyŋ tūrǧyny.
Şymkent
