Elımızdıŋ IIM ökılderınıŋ mälımdeuınşe, Qazaqstanǧa kelgen Qytai därıgerlerı elderıne qaitty. Olardy Qytaiǧa Qazaqstannyŋ äskeri ūşaqtary jetkızıp salǧan.
Eske salaiyq, būdan būryn Qytai elınen 10 därıger Qazaqstanǧa 45 künge kelgen. Osy uaqyt aralyǧynda olar medisinalyq nysandardy aralap, türlı seminarlar, treningter ötkızdı. Koronavirus infeksiiasymen küres jolyndaǧy täjıribelerımen bölıstı.
Şaralarǧa äskeri därıgerler da qatysty. Olar qazırgı uaqytta koronaviruspen küresude ülken küş bolyp, qyzmet jasap jatyr.
Qytailyqtar 15 kün ışınde 44 onlain jäne offlain konferensiia, 35 leksiia jäne trening ötkızıp, 10 790 adamdy oqytqan, 500-den asa sūraqqa jauap bergen.
Qazır Qazaqstanda medisina qyzmetkerlerı jappai infeksiia jūqtyruda. Qytai därıgerlerı būǧan alaŋdauşylyq bıldırgen.
Eske salaiyq, koronavirusty emdeude Qazaqstan därıgerlerıne konsultasiialyq jäne praktikalyq qolǧabys körsetu jäne virustyŋ odan ärı taraluyna jol bermeu boiynşa täjıribe almasu maqsatynda 2020 jylǧy 9 säuırde Qytai Halyq Respublikasynan Nūr-Sūltanǧa arnaiy bortpen Qytai därıgerler toby kelgen bolatyn. Būl top koronavirustyq infeksiianyŋ aldyn alu jäne ony emdeu boiynşa bai täjıribesı bar joǧary bılıktı medisinalyq qyzmetkerlerden qūralǧan. Atalmyş reispen medisinalyq qorǧau zattary türınde salmaǧy 4 tonnadan astam Qytai Halyq Respublikasy Ükımetınıŋ gumanitarlyq jügı jetkızıldı (ökpenı jasandy jeldetu apparattary, hirurgiialyq betperdeler, qorǧau kostiumderı). Jalpy, Qazaqstan men Qytaidyŋ koronavirus ındetımen kürestegı yntymaqtastyǧy QR Prezidentı Q.Toqaevtyŋ QHR Prezidentı Si Szinpenmen (24 nauryz) telefonmen söilesuı barysynda qol jetkızılgen uaǧdalastyqtar aiasynda belsendı türde ıske asyryldy.
Zhasalash.kz
