«Qazır koronavirustan aiyqqan aqsaqal oblystyq kardiologiialyq dispanserıne ornalastyryldy» dep habarlaidy Atyrau oblysynda tötenşe jaǧdai rejimın qalyptastyru jönındegı şūǧyl ştab.
Atyrau oblysy Densaulyq saqtau basqarmasy basşysynyŋ mındetın atqaruşy Gülnafis Taŋbaevanyŋ aituynşa, 82 jastaǧy emdeluşı oblystyq kardiologiialyq dispanserıne jatqyzyldy.
«Ekı jaqty pnevmoniia, iaǧni, ökpenıŋ qabynuyn tudyrǧan koronavirus infeksiiasy nauqastyŋ jürek qan tamyrlaryndaǧy işemiialyq auruyn qozdyryp jıberdı. Qazırgı taŋda nauqas kardiostimuliator apparatyna qosyluly» dedı Gülnafis Taŋbaeva.
Qazırgı kezde nauqas tiıstı em qabyldap jatyr. Aritmologtar men kardiologtardyŋ baqylauynda.
"Adyrna" ūlttyq portaly
