Ärbır ūlttyŋ ǧasyrlar boiy saqtalyp kele jatqan bıregei erekşelıgı bar, ol özınıŋ baiyrǧy salt-dästürımen, köne mädenietımen, folklor, ūlttyq muzyka, ūlttyq sport jäne taǧy basqa baǧyttarymen aiqyndalady. Bıraq, keiıngı kezde öz babalar jolynan ainyp, özge mädeni qūndylyqtardy bärınen joǧary qoiyp, «büirekten siraq şyǧaruşylar» qatary edäuır artyp keledı. Memlekettık basqaru funksiiasynda dın bırlıkke şaqyruşy, ızgılık pen meiırımge, adaldyqqa tärbieleuşı mänge ie bolsa, joǧaryda aitqandai kerıtartpalardyŋ äserınen ūltarazdyǧyn tudyruşy, töl mädeni erekşelıktı joqqa şyǧaruşy, tıptı bülıkşı sipatynda kerı körınıster oryn alyp jatyr. «Taza islamdy» ūran etken qauǧadai saqal qoiyp, mūrty qyryp, balaǧyn qysqartyp jürgen salafitter qazaq bolmysyna qarsy şyǧuşylardyŋ eŋ basynda tūr, olar özderınıŋ bılımsızdıgımen qosa, özgelerdı de adastyryp jür.
Osy künderı elımızdegı «dästürlı dın» ūǧymy da osydan kelıp tuyndasa kerek. Töl mädeniettıŋ erekşelıkterıne mysqyldai da ziian kelmeuı basty nazarǧa alynǧan. Salt-dästürlerımızdı joqqa şyǧaru – «dästürlı emes» dıni aǧymdardyŋ sipattaryn anyqtauǧa mümkındık beredı. Qazaq ūlttyq dünietanymy, mädenietı syrtqy küşterdıŋ qauıptı aqparattyq-ideologiialyq şabuylyn filterden ötkızetın süzgı tärızdı.
Ras, zaiyrly memleket eşqandai ūltty, eşqandai dın ökılderın alalamaidy, bırınen-bırı joǧary qoimauy tiıs, būl solai da. Bıraq ūlttyq bıregeilıkke nūsqan keltıretın terıs aǧymdar ūlt qauıpsızdıgıne, ruhani bırlıkke nūsqan keltırgen jaǧdaida qataŋ jazasyn alyp otyruy tiıs.
Arman SERIKŪLY,
"Adyrna" ūlttyq portaly
