Biyl Nūr-Sūltanda 2019 jylmen salystyrǧanda ekı ese köp mektep salynady. 2020 jyly 12 mektep paidalanuǧa berılıp, taǧy 12 mekteptıŋ qūrylysyn bastau josparlanyp otyr.Būl turaly Nūr-Sūltan qalasy äkımdıgınıŋ resmi saityna sılteme jasap, adyrna.kz habarlaidy.
Mektepter sūranysqa ie. 20 myŋnan astam oquşy orny qūrylady. (Ekı auysymda-40 myŋnan astam oquşy orny). Elorda äkımı Altai Kölgınov Maiqaiyŋ men A351 köşelerınıŋ qiylysynda ornalasqan mekteptıŋ qūrylysymen tanysty.
Mektep 1200 orynǧa eseptelgen, 2021 jyly paidalanuǧa berıledı.
"Qalada halyq sanynyŋ ösuıne orai äleumettık nysandarǧa jükteme artyp keledı. Qazır üş auysymda oqytyp jatqan mektepter bar. Üş auysymdy oqytu mäselenın şeşu üşın jylyna kem degende 10 mektep salu qajet. Biyl 12 mektep jäne 2021 jyly taǧy sonşa mektep salynady. Qūrylys jūmystary tiıstı deŋgeide jürgızılıp, abattandyru mäselelerın aldyn ala şeşu qajet. Qūrylys jūmystaryn jürgızgen kezde sanitarlyq normalar qataŋ saqtaluy kerek", - dedı qala äkımı Altai Kölgınov.
Mektep qūrylysyna jeke investorlar da qatysyp jatyr. Keşendı jospar aiasynda 5 jyl ışınde 60 myŋ oryndyq 50 mektep (onyŋ ışınde 10 mektep qazırgı taŋda jūmys jasap tūrǧan mektepterdıŋ aumaǧynda) salu josparlanǧan.
Būl ekı auysymda 120 myŋǧa juyq oquşy ornyn qūruǧa mümkındık beredı.
Ūqsas jaŋalyqtar
