Biyl Täjıkstanda 5023 adam pnevmoniiamen auyrǧan. Būl - 2019 jyldyŋ osy uaqytyndaǧy körsetkışten az. Byltyr 5192 adam pnevmoniiamen auyrǧan. Būl turaly "Adyrna" Cenral Asian-ǧa sılteme jasap habarlaidy.
Täjıkstannyŋ densaulyq saqtau ministrlıgı osyndai statistikalyq mälımettı jariialady. Eldegı adam qūqyǧyn qorǧauşylar koronavirus pandemiiasy kezınde eldegı jaǧdai turaly mälımet beruın ükımetten sūraǧan.
Şeneunıkterdıŋ aituynşa, elde tuberkulezben auyrǧandar sany tömendegen: 2019 jyldyŋ alǧaşqy toqsanynda 1218 nauqas tırkelse, biyl 1137 adam tuberkulezge şaldyqqan. Jurnalister bilık jariialaǧan aqparatta atalǧan aurulardan qaitys bolǧandar turaly mälımet körsetılmegenıne nazar audardy.
Täjıkstannyŋ densaulyq saqtau ministrlıgınıŋ mälımdeuınşe, elje "pnevmoniia belgılerı baiqalǧan nauqastardy tekseru jürıp jatyr".
Adam qūqyqtaryn qorǧauşylar ükımetke pnevmoniiadan elde qanşa adam qaitys bolǧany turaly mälımet sūratqan. Mysaly, Duşanbede prokuratura qyzmetkerı pnevmoniiadan köz jūmdy. Bıraq bilık prokuror şoşqa tūmauymen auyrdy deidı.
Soǧdy oblysy Jabbar-Rasulov audanynyŋ auruhanasynda kem degende jetı nauqas pnevmoniiadan qaitys boldy. Olardyŋ barlyǧy auruhananyŋ jūqpaly aurular bölımınde emdelgen.
Täjıkstan bilıgı elde koronavirus joq dep mälımdeumen keledı. Soǧan bailanysty jaqynda respublikaǧa Düniejüzılık densaulyq saqtau ūiymynyŋ arnaiy missiiasy kelıp, täjık bilıgınıŋ resmi mälımetın tekseredı.
Cenral Asian
