Tünde äkımdık qyzmetkerlerınıŋ eşqandai qūjatsyz , däleldı anyqtamasyz marqūmnyŋ aǧzasynan koronavirus belgılerı anyqtaldy degen eskertuı aǧaiyn-jūrtyn eseŋgıretıp tastapty. Bügın qalalyq atqaruşy bilıkten taŋerteŋ de mardymdy jauap almaǧan Bekjan Janūzaqov maǧan habarlasyp, kömek sūrady.
-"Türkıstan qalasy äkımınıŋ orynbasary üige kelıp, ınımnıŋ mäiıtın ber dep mazalap bıttı. Koronavirus jūqtyrdy , özımız jerleimız dep äbden sastyrdy. Äkımderdıŋ qolynda eşqandai koronavirusqa şaldyqqanyn aiǧaqtaityn anyqtamasy joq. Astanadan eşqandai kedergısız mäiıttı äkeldık.
Inım Astanada asylyp qaitys boldy. Taŋǧy şaidı ışıp, üiden ünsız şyǧyp ketken eken. Asylyp qalypty. 30 jasta. Özı boidaq. Ol jaqtaǧy bauyrlarym da būl aurudan dın-aman.
Mäiıthana qyzmetkerlerı bergen ınımnıŋ " jıpke buynyp, ömırı qiyldy" degen anyqtamasyn äkımder elemei tūr.
5 tuysqanym qūzyrly oryndardan rūqsat alyp, Türkıstannan Astanaǧa baryp, marqūmdy üige äkeldık. Eşkımge para bergen joqpyz. Äkımdıkten de aqşa sūramadyq. Astanalyq tergeuşıler de äkımderdıŋ äreketıne şok bolyp otyr.
Bügın qūran oqyp, jer qoinyna tapsyraiyn desek, äkımder mäiıttı tartyp almaqşy. Ne ısteimız? Inım ondai aurumen auyrmaǧan. Äkımdık eşqandai ekspertiza jasaǧan joq. Aiǧaq joq. Bıraq ınımnıŋ denesın alyp ketpekşı", - dep Türkıstan qalasynyŋ tūrǧyny Bekjan Janūzaqov kömek sūraidy.
Türkıstan qalasy äkımdıgınıŋ būl äreketın estıp, töbe şaşym tık tūrdy. Äkımder mäiıthana bergen anyqtamaǧa nege senbeidı ? Älde mensınbei me?
Marqūmnyŋ denesın eşqandai saraptamasyz koronavirus jūqtyrdy dep , eldı dürlıktırgen äkım qandai zaŋǧa süienıp jür?
Medisinalyq, sot saraptamalyq ekspertizasyz mäiıttı jaman aurudan ölgenderdıŋ tızımıne aluǧa äkımnıŋ qūqyǧy bar ma?
Keşe almatylyq qaitys bolǧan 97 jastaǧy qariiany da kündız saǧat 16:42-de koronavirustan jan tapsyrdy dep aqparattyq saittar jariialady. Al keşke aqparatty joqqa şyǧaryp edı.
Äkımdık Astana qalasynyŋ departamentı (atauyn bılmeidı) marqūmnyŋ denesınen COVID-2019 belgılerı bar degen anyqtamany körsetıptı.
Äkımdık mäiıttı üiıne äkelgen soŋ, bauyrlaryna marqūmnyŋ janazasyn şyǧaruǧa rūqsat berıptı. Jaqyn tuystaryna ǧana aqtyq saparǧa şyǧaryp saluǧa rūqsat bergen . Mäiıtke tiısuge , jaqyndauǧa şekteu qoiypty. Ärı qarai SES mamandary qaladaǧy zirattyŋ maŋyna marqūmdy biologiialyq sanitarlyq talaptar boiynşa jerleidı.
Al ınısınıŋ tabytyn äkele jatqan 5 aǧasy karantinge jabylady.
Bekjannyŋ aituynşa äkımdık qyzmetkerlerı män-jäidı eskertıp, saqtyq şaralaryn oryndau bızdıŋ mındetımız deptı. Al onyŋ aǧzasynan koronavirus anyqtalǧanyn jäne jūmyssyz üide otyrǧan adamnyŋ qalai jūqtyrǧanyn däleldeu Astanada qorytyndy jasaǧan departamenttıŋ ısı dep otyr. Departamenttıŋ atauyn Bekjan bılmeidı.
Sonymen būl oqiǧadan qandai oi tüidıŋız?
Äkımdık därıgerlerdıŋ nūsqauyn oryndauşy bolyp tūr. Al auyrmai, syrqamai, özı ömırımen qoştasqan marqūmǧa kvi boiynşa test jasalatynyn ASTANADAǦY MAMANDAR tuystaryna nege eskertpegen?
Būl qūpiia ūstaityn , aituǧa bolmaityn medisinalyq saraptama emes qoi.Bükıl älem jūrty bıletın jūqpaly ındet.
Taǧy bır qorqatyn jäit, marqūmdy tasymaldauşylar Astanadan Türkıstanǧa jetkenşe qanşa adammen qarym-qatynasta boldy? Eseptei berıŋız. Jol-jönekei dükenge kırse de adamdarmen qarym-qatynasta boldy emes pe?
Astanalyq mamandar nege covid2019 jūqtyrǧan mäiıttı bergen? Qanşama blok-beketterden öttı. El aralap jettı emes pe?
Medisina qyzmetkerlerı el-jūrtty nege dürlıktırdı?
Būl jerde arnaiy mamandar mäselenı tūrǧyndarǧa o bastan nege tüsındırmeidı?
Taǧy bır qyzyǧy Astanadan kelgen anyqtamada rukovoditel filiala degen oryn bos tūr. Eşkım qol qoimaǧan.
Auyrmai ölseŋ de, koronavirusten qaşyp qūtylmaisyŋ .
Marqūmnyŋ bauyrlaryna köŋıl aitamyn.
Osy nauryzda marqūmdy üiıne äkelıp, emdetemız dep tuystary ärı-berı şapqylap, Astanadan blok-beketten ötkıze almapty.
Endı bauyrymdy tabytpen äkele jatyrmyz,- dep ökınıp otyr Bekjan.
Tuystaryna Alla sabyrlyq bersın. Degenmen mūndai jaǧdaida qūzyrly oryndar da mäselenı dauryqtyrmai zaŋ aiasynda jūmys ıstesın dep sūraimyn.
Jazira Begaly
