-Būlbūl änşı Bibıgül Tölegenova özın "jūldyz " emespın dep esepteidı, -dedı maǧan bügın bır aǧamyz, -Ataǧy jer jarǧan Roza Rymbaeva da , elınıŋ erkesı Maqpal Jünısova da solai dep otyr. Sonda qalǧandaryna "jūldyz" degen ataudy kım japsyryp qoiǧan? Özderı me? -Qaidan bıleiın,-dep iyǧymdy qiqaŋ etkızdım.Şynymen de būl mäselenı oilanǧan joq ekenmın. Aǧam öz saualyna özı jauap berdı. -Ony oilap tapqan, bolsyn,bolmasyn ärkımge japsyra beretın sender-jurnalister ǧoi. Qaptap ketken "jūldyzdy" baǧdarlamalardy kım jasap jatyr eken? Senbeseŋ ataularyn qaraşy! "Jūldyzben jüzdesu", "Jūldyzben tıldesu " "Jūldyzben ...u" bolyp kete beredı. Aty solai bolsa oǧan qatysqan adam da jūldyz bolyp şyqpai ma? Gazet, jurnaldyŋ atauy da solai. Endı jürıŋder olardyŋ t...n, s...nderın aŋdyp. "Soŋǧy sözderıŋız artyqtau, aǧa! " degım kelıp tılımdı tıstei qoidym. Oǧan da jetıp qalǧan ekenbız ǧoi. Äjethananyŋ ışınen reportaj jürgızbesek te özımız oilap tapqan "jūldyzdardyŋ" ış kiımıniŋ tüsıne deiın bılıp otyratyn boldyq. Senbeisız be? Keşelı, bügıngı "jūldyzdy " jaŋalyqtardy qarai salyŋyz. Änebır änşı qyzymyz äldebır ataq alyp, ūlanasyr toi jasapty. Jasai bersın -au, endı toidan tüsken aqşany suretke tüsırıp, "osynşa körımdık aldym" dep maqtanuda . "Tük körmegendei" deisıŋ endı mūndaida . Ūiat -ai! "Oibai änebır änşı töbetıne qalyŋdyq ızdep jatyr" dep jar saldy bügın taǧy bıreu. Bızdı töbetke qanşyq tauyp beredı dei me eken? Aǧam dūrys aitady. Erteŋ bız sol "jūldyzdardyŋ" itterınıŋ ylyqqanyn da körsetıp jatsaq taŋ qalmaŋyz! Öitkenı ol da "jūldyzdy" jaŋalyq qoi.
Arman Sqabylūly
foto aşyq internet közınen
