Qalam men qarudy qatar ūstap, qandy qyrǧynǧa qatysqandardyŋ ışınde qazaqtyŋ aqyn-jazuşylary az emes. Jeŋıs künı qarsaŋynda maidanger aqyn-jazuşylardyŋ qalamynan tuǧan şyǧarmalardy därıptep, Altyn qordaǧy dauysyn tyŋdarmanǧa jetkızu maqsatynda «Qazaq radiosy jaŋa joba ūsynbaq. «Batyrlar ruhyna taǧzym» atty on kündık baǧdarlamalar toptamasy aiasynda 1-10 mamyr aralyǧynda kün saiyn saǧat 17:45-te Qazaq radiosynyŋ äue tolqynynan arnaiy habarlar berıledı. Būl turaly özınıŋ feisbuktegı paraqşasynda «Qazaq radiolary» JŞS Bas redaktory – «Qazaq radiosy» radioarnasynyŋ direktory Dulat Abibullaev jazdy.
«Batyrlar ruhyna taǧzym» habarynan qazaq qyzdarynyŋ arasynan şyqqan tūŋǧyş ūşqyş Hyiuaz (Hiuaz) Dospanovanyŋ, poeziia men soǧys qaharmany Hamit Erǧalievtıŋ, otty jyldardy öleŋmen örgen Syrbai Mäulenovtıŋ, maidannyŋ aldyŋǧy şebınde än salǧan Roza Baǧlanovanyŋ, qyryqqa juyq kıtap jazǧan soǧys ardagerı Qalmūqan İsabaevtyŋ, Mänşük jaily jyr avtory Äzılhan Nūrşaiyqovtyŋ syr-sūqbattaryn, soǧys jaily özderı aitqan estelıkterın tyŋdai alasyzdar. «Men qazaqpyn» dep jyrlaǧan Jūban Moldaǧaliev pen äigılı partizan Qasym Qaisenovtıŋ de erterekte Altyn qorǧa jazyp alynǧan ün taspalary äue tolqynynan taratylady. Äigılı «Soldat soǧysqa kettı» avtobiografiialyq romanynyŋ avtory, jazuşy, soǧys ardagerı Kemel Toqav turaly Äbılfaiyz Ydyrysovtyŋ Altyn qordaǧy estelıgı men Äbu Särsenbaevtyŋ maidan jyrlary efirden berılıp, batyrlarymyz tyŋdarmanmen qaita qauyşady,- dep jazdy Dulat Abibullaev.
Jeŋıstı jaqyndatqan jandardyŋ erlıgın qūrmettep, ruhyna taǧzym etu ūrapaqqa jüktelgen zor mındet. Aita ketu kerek, Ekınşı düniejüzılık soǧystyŋ aiaqtalǧanyna biyl 75 jyl. Osynşa uaqyt ötse de qan maidannyŋ sūrapyl künderı talai jürekterde syzat qaldyryp, qanşama şaŋyraqty ortasyna tüsırgenı eşqaşan ūmytylmaidy. Soǧysqa attanǧan 1 million 200 otandasymyzdyŋ jartysyna juyǧy ūrys dalasynda qaza tapty, elde qalǧandary tylda eŋbek ettı, 500 den astam qazaqstandyq Keŋes odaǧynyŋ batyry atandy delıngen radioarna direktorynyŋ jelıdegı jazbasynda.
Jeŋıstı jaqyndatqan jandardyŋ erlıgın qūrmettep, ruhyna taǧzym etu ūrapaqqa jüktelgen zor mındet. Aita ketu kerek, Ekınşı düniejüzılık soǧystyŋ aiaqtalǧanyna biyl 75 jyl. Osynşa uaqyt ötse de qan maidannyŋ sūrapyl künderı talai jürekterde syzat qaldyryp, qanşama şaŋyraqty ortasyna tüsırgenı eşqaşan ūmytylmaidy. Soǧysqa attanǧan 1 million 200 otandasymyzdyŋ jartysyna juyǧy ūrys dalasynda qaza tapty, elde qalǧandary tylda eŋbek ettı, 500 den astam qazaqstandyq Keŋes odaǧynyŋ batyry atandy delıngen radioarna direktorynyŋ jelıdegı jazbasynda.
"Adyrna" ūlttyq portaly
