Qūrylys salasyndaǧy mamandar Özbekstannyŋ Syrdariia oblysyndaǧy qaiǧyly oqiǧaǧa su qoimasyn salu kezındegı korrupsiia sebep boldy dep esepteidı. Būl turaly centralasian.org habarlady.
1 mamyrda Özbekstanda Sardoba su qoimasy jarylyp, ainalasyndaǧy eldı mekenderdı su aldy. 70 myŋ adam köşırıldı. Keiınırek Türkıstan oblysy Maqtaaral audanyndaǧy bırneşe eldı mekenge su kırıp, audanda tötenşe jaǧdai jariialandy.
Sardoba su qoimasy – Özbekstandaǧy bırınşı ırı su nysany. Onyŋ qūrylysy Şavkat Mirziiaevtıŋ ūsynysymen, ol premer-ministr bolyp tūrǧanda bastalyp, prezident bolǧanda aiaqtalǧan.
Su şaruaşylyǧy ministrlıgınıŋ ökılı Şarifjon Kuchkarov äzırge bögettıŋ būzyluyna "qatty dauyl" sebep boldy degen boljam aityp otyr.
– Qatty dauyldan su tolqyny köterıldı. Bögettıŋ eŋ joǧarǧy biıktıgı 32 metr, eŋ tömengısı – 28 metrdı qūraidy. Tömengı bölıgı qatty tolqynnan būzylyp, sumen şaiylyp kettı. Bızdıŋ boljam boiynşa, soŋǧy 2-3 kündegı qatty dauyldan böget būzyldy. Odan keiın 3-4 kün nöser jauyn jaudy. Osy kezeŋde su qoimasy 24 saǧat boiy baqylauda boldy, – dedı ministrlıktıŋ ökılı.
Alaida qūrylys jäne su qoimasy salasyndaǧy mamandar Syrdariia oblysynda oryn alǧan qaiǧyly oqiǧaǧa böget qūrylysyna dep bölıngen qarjynyŋ ūrlanuy sebep bolǧan dep esepteidı.
– Eger nysandy salyp jatqan kezde, eşqandai aqşa ūrlanbai, bölıngen qarjynyŋ bärın qūrylysqa jūmasasa, eşqandai bögettı su şaiyp ketpes edı. Su qoimasynyŋ kölemı ülken. Qūrylysqa 25 million dollar bölıngen. Qazırgı kezde qūrylystan aqşa ūrlau qiyn emes. Mäselen, nyǧyzdauǧa 1000 tekşe metr qūm kerek bolsa, oǧan 500 tekşemetr jūmsaidy. Mysaly, men – qūrylysşymyn, qūm alu üşın zauytpen kelısım-şartqa otyramyn. Qūjat boiynşa 1000 tekşemetr qūm satyp alamyn da, 10 myŋ dollar audaramyn. Bıraq şyn mänınde 500 tekşe metr qūm alamyn. Keiın zauyt ökılı esepşotqa audarylǧan qalǧan qarjyny maǧan qolma-qol qaitarady. Mūny qazırgı tılmen "otkat" dep ataidy. Bügın mūndai shema barlyq qūrylys salasynda jürıp jatyr, – deidı maman.
Mamannyŋ būl pıkırın Sardoba su qoimasyn saluǧa qatysqan qūrylysşynyŋ bırı rastady.
– Men būl su qoimasynyŋ qūrylysyn jürgızuge qatystym. Oǧan tas äldeqaida az mölşerde qoldanylǧanyn jaqsy bılemın. Jük kölıkterıne qūrylys salasyna dep artylǧan qiyrşyq tas pen ırı tas jolşybai satylyp kelgen. Qazır "Chimkurganda" su qoimasy salynyp jatyr. Onda da däl osyndai jaǧdai oryn alyp jatyr, – deidı qūrylysşy.
Sardoba su qoimasyn saluşy "Tupalang-gidro kuriliş" kompaniiasy. Azattyqtyŋ özbek qyzmetınıŋ senımdı derekközınıŋ bergen mälımetı boiynşa, būl kompaniia "Özbekgidroenergo" kompaniiasynyŋ basqarma basşysy, senator Abdugani Sanginovqa tiesılı.
– Özbekstanda barlyq su qoimasyn Abdugani Sanginovqa tiesılı kompaniialar salady. Būl – onyŋ monopoliiasy. "Tupalang-gidro kuriliş" ta sonyŋ kompaniiasy. Salyqtan jaltaru üşın, är üş jyl saiyn kompaniia atyn özgertıp otyrady, – deidı derekköz.
https://youtu.be/wyY81A0sG9o
