Maqtaralda taǧy bır auyldy su basty. Audanda 31 myŋnan asa adam evakuasiialandy

Maqtaral audanynda bır auyldy su basty. Aimaqta evakuasiialanǧan adamdar sany 31 myŋnan asty dep "Azattyq" radiosy habarlaidy. 4 mamyr künı Türkıstan oblysy Maqtaral audanynda su basqan auyldardan 31 myŋnan asa adam qauıpsız jerge köşırıldı. Audandaǧy taǧy bır eldımeken – Dostyq auyly su astynda qaldy. Būǧan deiın Jaŋatūrmys, Jeŋıs, Firdousi, Örgebas auyldaryn su basyp qalǧan edı. Oblys äkımdıgınıŋ mälımetınşe, Maqtaralda su basqan auyl sany beseuge jetken. On üş auyldyŋ adamdary evakuasiialanǧan. Qazır Maqtaralda qauıpsız jerge köşırılgen adamdar sany 31 600 adamnan asqan. Äkımdık habarlamasynda Jetısai audanyna qarasty Qoǧaly auylynyŋ 1025 tūrǧyny da qauıpsız jerge köşırılgenı jazylǧan. Audan tūrǧyndarynyŋ Azattyqqa aituynşa, su alǧan auyldardan alyp şyqqan maldar qazır köşe boiynda jür. Äielder men balalar tuǧan tuystary men äkımdık daiyndaǧan ortalyqtarǧa jetkızılgen. «Su älı toqtaǧan joq. Äuelı egındıkterdı, artynşa auyldyŋ ışıne kırıp jatyr» deidı Örgebas auylynyŋ tūrǧyny. 1 mamyr künı Özbekstannyŋ Syrdariia oblysyndaǧy Sardoba su qoimasy jarylyp, ainalasyndaǧy auyldardy su şaiyp ketken. Keiın, 1 mamyr tünde Sardobanyŋ suy Qazaqstannyŋ oŋtüstıgındegı, qazaq-özbek şekarasynda ornalasqan Abai kanalyna jettı. Keiın kanal su arnasynan asyp, Maqtaral audanyndaǧy Jaŋatūrmys jäne Jeŋıs auylyna su aldy. Ekı auyldyŋ tūrǧyndary evakuasiialandy. Osydan soŋ Maqtaral audanynda tötenşe jaǧdai jariialandy. 2 mamyr künı ekı auyl tolyq su astynda qalyp, ondaǧy üiler qūlaǧan. 3 mamyrda Örgebas pen Firdousi auylyn su basyp qalǧan. Ekı auylda su basqan üilerdıŋ sany alty jüzden asqan.