Türkıstan oblysynda jantürşıktırer jaǧdai! Keles audany, Abai auylynda küieuı öz äielın köşede ketıp bara jatqan jerınde baltamen ūrǧan. Basy men qolynan jaralanǧan 46 jastaǧy äieldıŋ bır közı endı körmeidı. Endı ǧana esın jiǧan Äliia Äitımbetovanyŋ aituynşa, ol ünemı zäbır körsetıp kelgen küieuınen ekı aptadan berı qyzdarymen bırge bölek tūryp jürıptı. Mügedek bolyp qalǧan Äliianyŋ tuystary küieu balalary endı jazadan qūtylyp kete me dep qorqady. Būl turaly KTK telearnasy habarlady.
Jan saqtau bölımınen palataǧa auystyrylǧan Äliianyŋ jaǧdaiy: qoly şabylǧan, balta tigen basy qaq airylǧandai. Abai auylyndaǧy emhanada medbike bolyp ısteitın Äliia ekı aptadan berı ünemı ūryp-soǧatyn küieuınen ketıp, qyzdarymen bölek üide tūryp jürgen. Taŋerteŋ jūmysqa ketıp bara jatqanda typ-tynyş köşede tu syrtynan kelgen küieuı ekı qyzynyŋ anasyna basqa emes, balta jūmsapty.
— Jūmysqa şyǧyp kele jatqanymda küieuım Matqūlov Mūrat menı baltalap tastady. Tegı sözge kelmeidı, «öltıremnen» basqany aitpaidy. 15 jyl otandasyp, 16 jyldan berı köretın jäbırım sol. Tek zorlyq pen zombylyq. «Jaqyndama maǧan, ne boldy saǧan, tynyştyq pa?» — desem, «söilespeimın, senı öltırem, senı öltırem» — dep, menı baltalap tastady.
— Myna jerdıŋ bärı qanjosa, körseŋ, qorqasyŋ, deneŋ türşıgedı.
Eludı eŋsergen küieuı äielıne osy jerde şabuyldaǧan. Qaita äieldıŋ şyŋǧyrǧan dausyna jürgınşı ekı jıgıt jügırıp kelgen soŋ, Mūrat Matqūlov qaşa jönelıptı. Oqiǧa ornynda köşenı baqylaityn kamera da ornatylǧan. Bıraq ol älı ıske qosylmapty. Köp qan joǧaltyp, tym auyr jaǧdaida auruhanaǧa tüsken Äliianyŋ tırı qaluy üşın därıgerler jarty kün ota jasaǧan. Ol üşın sanaviiasiia jelısımen oblystan bırneşe därıger aldyrylǧan.
Rüstem Raisov, Keles audandyq auruhanasy jaraqattanu bölımınıŋ meŋgeruşısı:
— Basynda, oŋ jaǧynda jara, baltamen şabylǧan. Qolynda, oŋ qolynda, bılegınde kesılgen jaraqaty jäne 5-şı sausaǧy synǧan. Onyŋ bärı tıgılıp, ornyna qoiyldy.
Äliianyŋ körşılerı Mūrat turaly jaqsy pıkırde emes. Qara bazarda valiuta aiyrbastap, aqşa tabatyn ol qoŋsylarymen de söilespeidı eken. Al Äliia soŋǧy uaqytta körşılerıne köp şaǧymdanypty.
Maira Egemberdieva, körşısı:
— «Küieuım ūrady, menı de ūrady, qyzdardy da ūrady, qyzdar da azap-bezer boldy» deitın. Özı säl bırtürlı, sol Mūrat. Qazır qolǧa tüsken onyŋ, baltasymen bırge özınen de saraptama alynǧan, tergelıp jatyr.
Al kündız-tünı auruhanada auyr jaraqat alǧan tuysynyŋ tıleuın tılep jürgen jaqyndary: «Küdıktı jazadan qūtylyp kete me?» dep qorqady.
Janar Äitımbetova, jäbırlenuışınıŋ jeŋgesı:
— Ajyrasyp ta kördı būnymen. Äiteuır ekı qyzy jetım bolmasyn, osylar äkesı joq bop öspesın dep, jalynyp kelgennen keiın, Qūran ūstap, bızge ant-suyn ışkennen keiın, bız jarastyryp… Osy uaqytqa deiın jazalanbady ǧoi būl. Neşe ret ūrdy, basqa qyldy. Äiteuır şyǧyp kete beredı ǧoi, tynyş qana. Endı osydan qūtylyp ketpesın, ädıl jazasyn alsyn.
Äliia Äitımbetovanyŋ tuystary būl ıstı prokuratura erekşe qadaǧalauǧa alǧanyn qalaidy. Al äielın baltalap, qansyraǧan küiınde tastai qaşqan küdıktıge qatysty poliseiler «adam öltıruge oqtalu» babymen ıs qozǧady. Bärınen de, ekı qyzǧa qiyn soqqandai. Öitkenı äbden şoşyp qalǧan oquşylarǧa psihologtardyŋ kömegı qajet.
https://www.ktk.kz/kz/news/video/2020/05/04/147325/
JASQAZAQ.KZ
