Tiıstı qaulyǧa premer-ministr qol qoidy, qūjat alǧaş resmi jariialanǧan uaqyttan 10 künnen soŋ qoldanysqa engızıledı
Pedagogika, medisina, veterinariia jäne auyl şaruaşylyǧy mamandyqtary boiynşa kvotamen bılım alǧan auyl jastary oquyn tämamdaǧannan keiın üş jyl auylda jūmys ısteuge mındetteldı.
Tiıstı qaulyǧa ükımet basşysy Asqar Mamin qol qoidy. Qauly premer-ministrdıŋ resmi saitynda jariialanǧan.
"Pedagogtık, medisinalyq, veterinariialyq jäne auyl şaruaşylyǧy mamandyqtary boiynşa auyl jastary qatarynan şyqqan azamattarǧa berıletın kvota şegınde oquǧa tüsken azamattar joǧary jäne (nemese) joǧary oqu ornynan keiıngı bılım beru ūiymyn bıtırgennen keiın, kemınde üş jyl auyldyq jerde ornalasqan memlekettık bılım beru ūiymdarynda, memlekettık medisina ūiymdarynda, veterinariia salasyndaǧy qyzmettı jüzege asyratyn memlekettık organdar bölımşelerınde, memlekettık veterinariia ūiymdarynda jäne menşık nysanyna qaramastan, agrarlyq beiındegı ūiymdarda jūmysyn öteidı", - delıngen qūjatta.
Sonymen qatar, üş jyl auylda jūmys ısteu jönındegı mındetke qatysty özgerıster engızıldı.
Qaulyda auylda jūmys ısteu mındetı qai kezde toqtatylatyny körsetılgen:
- bılım aluşy (jas maman, filosofiia doktory (RhD)) qaitys bolsa, tiıstı qūjattarmen rastaluy tiıs;
- jūmys ıstep jürgen kezınde I jäne II top mügedektıgı berılse;
- zaŋda jäne osy qaǧidalardyŋ 27-tarmaǧynda közdelgen jaǧdailarda.
Sputnik
