QR Premer-Mınıstriniń orynbasary Roman Sklıar Túrkistan oblysy, Maqtaaral aýdanynyń sý basqan aýyldaryna baryp, turǵyndarmen júzdesti. Olarǵa memleket basshysy Qasym-Jomart Toqaevtyń sózin jetkizdi.
«Qazaqstan Prezıdenti Maqtaaral aýdanynyń sýdan zardap shekken birde-bir turǵyny kómeksiz qalmaıtynyn jetkizdi. Sol sebepti, sizderge tek túsiniktik tanytýdy suraımyn. Úkimet tarapynan barlyq qajetti kómek kórsetiledi. Prezıdent Úkimetke Ózbekstandaǵy sý qoımasy bógetiniń buzylýy saldarynan sý basqan aýyldardyń turǵyndaryna jan-jaqty materıaldyq kómek kórsetýdi tapsyrdy» , - dedi Roman Sklıar.
Aıta keteıik, qazir sý zalalyna baılanysty úkimettik komıssııa qurylǵan. Komıssııany Roman Sklıar basqarady. Jumys toby Jańa turmys, Jeńis, Fırdoýsı, Órgebas, Dostyq aýyldarynyń turǵyndarymen kezdesti.
"Adyrna" ulttyq portaly
