Memleket basşysy Qasym-Jomart Toqaev qazaqstandyqtardy Jeŋıstıŋ 75 jyldyǧyme qūttyqtady, dep habarlaidy akorda.kz.
Qūrmettı otandastar!
Barşaŋyzdy Ūly Otan soǧysyndaǧy Jeŋıstıŋ 75 jyldyǧymen şyn jürekten qūttyqtaimyn! Būl mereilı mereke qanqūily jaudy küirete jeŋıp, tuǧan jerın qorǧap qalǧan äkelerımız ben atalarymyzdyŋ öşpes erlıgın därıpteidı. Qazaqstandyqtar qiyn-qystau kezeŋde batyrlyq pen janqiiarlyqtyŋ jarqyn ülgısın körsettı. Maidanǧa attanǧan 1 million 200 myŋ azamatymyzdyŋ jartysy elge oralǧan joq. Talǧat Bigeldinov, Sergei Luganskii, Leonid Beda, Äliia Moldaǧūlova, Mänşük Mämetova, İvan Pavlov, Bauyrjan Momyşūly, Saǧadat Nūrmaǧambetov, Mälık Ǧabdullin, Hiuaz Dospanova, Raqymjan Qoşqarbaev jäne basqa daŋqty batyrlarymyzdyŋ esımderı mäŋgı este saqtalady. Soǧys jyldarynda Qazaqstanǧa köşırılgen jüzdegen öndırıstık jäne önerkäsıptık käsıporyndarda myŋdaǧan otandasymyz eŋbek etıp, Ūly Jeŋıstı jaqyndatuǧa üles qosty. Ärbır on oqtyŋ toǧyzy Qazaqstanda öndırılgen qorǧasynnan qūiyldy. Auyl halqy jauyngerlerdı azyq-tülıkpen qamtamasyz etu üşın aianbai ter töktı. Bız erjürek aǧa buynnyŋ aldynda mäŋgı qaryzdarmyz. Olardyŋ qaisarlyǧy men tözımdılıgınıŋ, tabandylyǧy men patriottyǧynyŋ arqasynda beibıt zamanda ömır sürıp, jarqyn bolaşaǧymyzǧa jol aştyq. Biyl mereke künı özgeşe ahualǧa tūspa-tūs kelse de maidangerlerdıŋ eşbırı eleusız qalǧan joq. Ardagerlerımızge myqty densaulyq jäne baq-bereke tıleimın! Elımızde ärdaiym beibıtşılık pen tynyştyq bolsyn!Ūqsas jaŋalyqtar
