Qazaqstannyń Ýkraınadaǵy Elshisi soǵys ardagerin Jeńistiń 75 jyldyǵymen quttyqtady

824

Qazaqstan Respýblıkasynyń Ýkraınadaǵy Elshisi Darhan Káletaev Uly Otan soǵysynyń ardageri Nurbaı Amanjolovty Jeńistiń 75 jyldyǵymen quttyqtady.   Bul týraly QR SIM baspasóz qyzmeti habarlady.

Qazaqstandyq dıplomat 97 jastaǵy soǵys ardagerine Qazaqstan Respýblıkasynyń Prezıdenti Qasym-Jomart Toqaevtyń Alǵys haty men «Barys» tós belgisin tabystap, oǵan rýhtyń sergektigin saqtaýdy, densaýlyq pen uzaq ómir tiledi. Júzdesý barysynda N.Amanjolov óziniń áskerı erlikteri týraly estelikterimen jáne beıbitshilik ómirdegi qyzyqty oqıǵalarymen bólisti.

Shyǵys Qazaqstan oblysyndaǵy Katonqaraǵaı aýdanynan maıdanǵa 18 jastaǵy bozbala bolyp attanyp, Ýkraına men Polshany azat etýge, Sandomır pladarmyn buzýǵa, Oder ózeninen ótýge, Pragany bosatýǵa qatysqan. Soǵystan keıin Karpat janyndaǵy áskerı okrýgte qyzmet etip, polkovnık ataǵymen zeınetkerlikke shyqty. I dárejeli «Otan soǵysynyń qyzyl juldyzy» jáne I dárejeli «Bogdan Hmelnıkıı» ordenderimen, sondaı-aq 26 medalmen marapattalǵan. Ardager óziniń sanaly ómirin Ýkraınada ótkizgenine qaramastan, óziniń Otany - Qazaqstan Respýblıkasymen tyǵyz baılanysyn saqtap qalǵanyn jáne Uly Otan soǵysynyń ardagerleri men tyl eńbekkerlerine degen memleket basshylyǵynyń qamqorlyǵyn joǵary baǵalaıtynyn atap ótti.

 

Pikirler
Redakııa tańdaýy