Ardagerdi Jeńis kúni Máńgilik alaýǵa gúl shoqtaryn qoıýǵa jibermegen, áleýmettik jelide taraǵan vıdeo rezonans týǵyzdy
Almaty ákimdiginiń ókilderi ardagerden úıine baryp keshirim surady dep habarlaıdy Sputnik.
Memorıal 28 gvardııashy-panfılovshylar atyndaǵy saıabaqta ornalasqan. Alaıda Qazaqstanda karantınge baılanysty saıabaqtar jabyq bolǵandyqtan, gúl shoqtaryn qoıýǵa kelgen ardagerdi Máńgilik alaýǵa jibermegen.
Qarııa bos saıabaqqa kirgizetin shyǵar dep úmittense de, polıııa qyzmetkerleri miz baqpady.
Vıdeo áleýmettik jelilerde keń tarap, rezonans týǵyzdy.
Keıinirek ákimdik ókilderi ardagerdiń úıine kelip, keshirim surady. Sodan soń qarııany memorıalǵa apardy.
"Kinálimiz árıne, basymyzdy ıip keshirim suraımyz. Bul koronavırýsqa baılanysty engizilgen karantınmen baılanysty", - dedi Almaty qoǵamdyq damý basqarmasy basshysynyń orynbasary Aıdar Esenbekov.
Keshirim suraǵan vıdeony Almaty ákiminiń baspasóz qyzmeti taratty.
