Adam balasy osy qiyndyǧy men qyzyǧy qatar jüretın mynau düniede qanşa jyl ömır sürsede, qandai ıspen ainalyssa da ömırındegı eŋ bır ūmytylmas kezder univeristet qabyrǧasyndaǧy keremet şaqtar. 2015 jyly mektebınen tülep ūşqan jas tülektermen qatar men de osy bır keremet kezeŋnıŋ tabaldyryǧyn attap, balalyq şaqpen qoştasyp , jaŋa bır beleske aiaq bastym. Menıŋ Alataudai asqaq armanym menı Almaty şaharyna, Äl – Farabi atyndaǧy Qazaq Ūlttyq universitetıne jeteledı. Osydan bırneşe jyl būryn armanyma ainalǧan bılım ordasy , qazırgı kezde şyndyqqa ainalyp, sonau aru qalam- Aqtöbeden at terletıp, arman qala – Almatyǧa bas tıregen jaiym bar. Men universitettıŋ esıgın aiqara aşqan künnen bastap, menı jaŋa älem, jaŋa adamdar, jaŋa dostar, jaŋa mümkındıkter kütıp tūrǧanyn oǧan qosa moinymda ülken jauapkerşılıktıŋ baryn sezındım. Öitkenı osyndai zaŋǧar universitettıŋ studentı atanu ärkımge būiyra bermes baq dep bılemın. Al endı osy basyma qonǧan baqty aialau ärı qaraiǧy menıŋ basty mındetım. Äl – Farabi babamyz öz sözınde: «Baqytqa jetkızetın erkın äreket — tamaşa äreket» degendei, sol tamaşa ärekettıŋ bırı – ol bılımge degen qūştarlyq dep sanaimyn.
Universitet qabyrǧasynda oqyp jürgenıme bes jyl. Osy bes jyldyŋ menıŋ ömırımdegı esten ketpes, sanada mäŋgı qalar, jürekten oryn alar eŋ tamaşa kezder. Universitetke aiaq tıregelı berı özımdı naǧyz telegei teŋız bılım ordasyna, jalyndy jastardyŋ qataryna engenıme öte qatty quanamyn ärı maqtanyşpen aitamyn. Öitkenı, elbasymyz Nūrsūltan Äbışūly Nazarbaev elımız ben bızdıŋ jastarymyzdyŋ basty bailyǧy — sapaly bılım ekenın özınıŋ söilegen sözderınde bırneşe ret atap körsetken bolatyn. Osy sapaly bılımnıŋ qara şaŋyraǧy, Qazaqstandaǧy bılım beru jüiesınıŋ tıregı, eskınıŋ közın körgen, 85 jyldyq bai tarihy jinaqtalǧan ūlttyq universitette elımızdıŋ tükpır tükpırınen, alys - jaqyn şet elderden kelıp, oqyp jatqan studentter jeterlık. Bügınde Äl-Farabi atyndaǧy QazŪU erekşe märtebesı bar Qazaqstannyŋ jetekşı , nömerı bırınşı universitetı, sonymen qatar bılım men ǧylymnyŋ ūlttyq köşbasşysy. Jaqynda Qazaq ūlttyq universitetı «QS World University Ranking by Subject 2020» pändık reitingısınıŋ qorytyndysy boiynşa «Zamanaui tıl bılımı» mamandyǧy boiynşa älemnıŋ eŋ üzdık 100 JOO qataryna endı.
Universitet qabyrǧasynda jan – jaqty, bılıktılıgı joǧary, qazaqtyŋ keremet aqyn – jazuşylarynyŋ aldyn körgen, sol ūly kısılerden därıs alǧan oqytuşy-professorlar, ǧylym doktorlary, ǧylym kandidattary, dosentter qyzmet atqarady.
Äl-Farabi atyndaǧy Qazaq ūlttyq universitetı 180-nen astam gumanitarlyq, jaratylystanu jäne tehnikalyq mamandyqtar boiynşa bakalavrlardy, magistranttardy, doktoranttardy daiyndaidy. Universitetımızde 16 fakultet şoǧyrlanǧan.Osy jerde bılım alatyn barşa studentter üşın jan-jaqty damu üşın, köşbasşylyq qabılettı qalyptastyru maqsatynda, öz-özın kemeldendırıp, erkın, zamanaui damytu üşın bar jaǧdai jasalǧan. Sol bar mümkınşılıktı paidalana bılu, är studenttıŋ öz qolynda. Mäselen, internet ortalyǧy, Ö.A. Joldasbekov atyndaǧy studentter saraiy, mūrajai, tamaqtandyru kombinaty, studentterge qyzmet körsetu ortalyǧy «Keremet», kompiuterlı-tehnikalyq jabdyqtar, WI-FI symsyz internet jelısı , auqymy keŋ sporttyq keşen syndy ortalyqtar ornalasqan. Onymen qosa eŋ bai kıtaphana - Äl-Farabi kıtaphanasy ornalasqan. Qoinauy kıtapqa bai, zäulım saraily kıtaphanamyzda är student özınıŋ keregıne eş qiyndyqsyz qol jetkıze alady .
Universitettıŋ erekşelıgı jäne eŋ qolaily tūsy – studentter üiı de, barlyq fakultet ǧimaraty da, joǧaryda atalǧan keşenderdıŋ barlyǧy bır qalaşyqtyŋ ışınde ornalasqandyǧy. Qalaşyqtyŋ tabiǧatyn sözben aityp jetkızu mümkın emes! Ainala qorşalǧan jasyl jelektı aǧaştar, hoş iıstı gülder,saf, taza auasy, eŋ bastysy şyŋy aspanmen talasqan zaŋǧar Alatau ornalasqan. Sol Alataudyŋ şyŋy är studenttı, jalpy är adamdy biıkke jeteleitındei körınedı.
Men osy universitettıŋ eŋ ejelgı fakultetterınıŋ bırı – filologiia jäne älem tılder fakultetınıŋ, qazaq filologiiasy mamandyǧy boiynşa tört jyldyq joǧary bılımımdı alyp qazır osy bılım ordasynyŋ magistranty atandym. Men üşın janyma eŋ jaqyn, jyly mekenge ainalǧan. Būl fakultettıŋ tarihi qoinauy öte bai fakultetterdıŋ bırı. Sebebı,osy qara şaŋyraqta qazaqtyŋ ǧūlamalary qyzmet atqarǧan . Olardyŋ qatarynda: älem ädebietınıŋ klassigı Mūhtar Omarhanūly Äuezov, Qazaqstan Respublikasynyŋ Ūlttyq Ǧylym Akademiiasynyŋ akademigı, halyq jazuşysy, filologiia ǧylymdarynyŋ doktory, professor Zeinolla Qabdolov , äigılı ǧalym, filologiia ǧylymdarynyŋ doktory Beisembai Kenjebaev, belgılı ǧalym, filologiia ǧylymdarynyŋ doktory Tūrsynbek Käkışūly, filologiia ǧylymdarynyŋ doktory, professor, etnograf, äigılı S.Aronūlynyŋ şöberesı Sūltanǧali Sadyrbaev syndy t.b. osyndai ırı tūlǧalardyŋ ızı, ruhy bar universitette oqyp, bılım alǧan adam ruhani, mädeni tūrǧydan baiyp şyǧatyny sözsız. Qazırgı taŋda bılım ordasynda studentter arasynda ot jalyndy, oraq auyzdy aqyndar, qalamy ūşqyr jazuşylar da jeterlık.
Būl menıŋ universitetımdı asyra maqtaǧanym emes, būnyŋ barlyǧy şynaiylyqpen, mahabbatpen jazylǧan şynaiy dünie. Menıŋ osy universitette alǧan bılımım biık şyŋǧa jetelıp kele jatqanyna jäne ömırden, ǧylym jolynan öz ornymdy oiyp tūryp tabuǧa jeteleitınıne ülken senımmen qaraimyn. Maǧjan Jūmabaev : «Arystandai aibatty, jolbarystai qairatty, Men jastarǧa senemın!», - demekşı arystandai aibatty, jolbarystai qairatty jastardyŋ otany – Äl – Farabi atyndaǧy Qazaq ūlttyq universitetı!
Jansūlu Amanjanova
Äl – Farabi atyndaǧy qazaq ūlttyq universitetı
Filologiia jäne älem tılderı fakultetınıŋ
1-kurs magistranty
Kurator-edvaizerı filologiia ǧylymdarynyŋ kandidaty, dosent L.T.Älımtaeva
