Oblys ortalyǵynda Kataev kóshesindegi bes qabatty úıden órt shyqty, dep habarlaıdy pavlodarnews.kz.
TJD basqarmasynyń málimetinshe, úshinshi qabattaǵy bir bólmeli páterdiń ishinde jáne balkonda úı zattary, jıhaz ben turmystyq tehnıka órtengen.
- Jalyn tórtinshi jáne besinshi qabattardaǵy bir bólmeli páterlerdiń balkondaryn da sharpydy. Tilsiz jaýdy aýyzdyqtaýǵa №3 órt bóliminiń qyzmetkerleri jumyldyryldy. Órt sóndirýshilerdiń jedel áreketteriniń arqasynda órt on bes mınýt ishinde aýyzdyqtalyp, tolyqtaı sóndirildi. Gazdan qorǵaý qyzmetiniń mamandary órt shyqqan podezden otyz eki adamdy evakýaııalady. Onyń ishinde altaýy – bala, - deıdi departamentte.
Pavlodar qalasy tótenshe jaǵdaılar basqarmasynyń bastyǵy Renat Valıshanovtyń aıtýynsha, órt turǵyndardyń otty abaısyz paıdalanýy saldarynan týyndaǵan. - Órttiń jalpy aýmaǵy 19 sharshy metrdi qurady, - deıdi Renat Valıshanov. - Qazirgi kezde órt saldarynan keltirgen shyǵyn kólemi anyqtalyp jatyr.
