AQSh prezıdenti Donald Tramp Dúnıejúzilik densaýlyq saqtaý uıymyna (VOZ) óz kemshiligin túzetip, jumysyn jaqsartý úshin 30 kún ruqsat beretinin aıtty.
Eger olaı etpese, Tramp Qurama Shtattardyń DDSU-ǵa múshe bolýyn qaıta qarap, qarjylandyrýdy múldem toqtatatynyn jetkizdi. Bul jóninde AQSh prezıdenti DDSU basshysyna jazǵan hatynda aıtqan. Ol ony tvıtter paraqshasyna jarııalady.
Onyń sózinshe, DDSU aldyndaǵy jalǵyz jol — Qytaıdan tolyq táýelsiz bolý. Tramp osynyń aldynda málimdegendeı, qazir DDSU Qytaı "qýyrshaǵy" bolyp otyr.
Vashıngton Beıjiń epıdemııanyń tez jaıylatynyn jasyryp keldi dep sanaıdy. Amerıka bıliginiń pikirinshe, DDSU Qytaı málimetine kóz jumyp sengen, biraq qaýiptiń óte qaterli bolatynyn baǵalamaǵan.
Eýropalyq odaq elderi men Aýstralııa da koronavırýstyń paıda bolýyn jiti zertteýdi talap etip jatyr. Bul usynysty álemniń 122 eli qoldady, onyń ishinde Ulybrıtanııa men Reseı de bar.
