Keşelı berı Qazaq elı qinalyp, qaraly bolyp otyrǧanda, saiasat sahnasyna şyǧam degen aǧamyzdyŋ tragi komediia qoiǧany öte orynsyz boldy. Jalpy, mūndai haipty oinatu men jıberudıŋ orny bolady. "Oiyn bılmegen bala... "deidı qazaq. Tıptı bolmai bara jatsa erteŋ qoisa da eşteŋe etpes edı... Ärine, qazaqqa öz ūldarynan artyq eşkım joq.
Jūrtymyz Beisen Qūranbek aǧanyŋ qazasyna qabyrǧasy qaiysyp otyrǧanda, myna jaqtan "menı belgısız bıreu ūstap kettı" dep dürlıktıru, ızın ala "būl jäi qoiylym edı "degenı onşa ūtymdy bolmady. Ony endı özderı bıler. Maǧan eş ūnaǧan joq.
Halyqpen saiasat sahnasyna şyqpai tūryp oinaǧan adam – mejelı jerge barǧannan keiın odan da soraqy oiyn körsete alady. Zelenskii prezident äkkı akter edı, sol akterlyǧy ony biıkke köterdı. Ol qazır sahnada oinamasa da, halqyna kerek adamdardan komanda qūryp, öz aldyna jūmys ıstep jatyr. Ukrainaǧa baqyt äkelsın.
Keşegı qoiylymnan bır kün būryn tıkelei efirge şyǧyp, özı siiaqty oppozisiiamyz degenderden arandatuşylyqqa tap boldy. Men ol sūhbattan jaŋa ümıtkerdıŋ saiasatqa äkelgen baǧdarlamasyn sūrai ma, osy bügıngı küngı batyp bara jatqan batpaqtan qalai şyǧamyz degen oryndy saualdar kütkem. Söitsem, qazaqtyŋ qazırgı batpaqqa ketıp bara jatqan jügın olar suǧa tartqandai äser qaldyrdy.
Ahmet aǧanıkı tek ambisiia siiaqty körındı. Aǧamyzdyŋ osy uaqytqa deiın kötergen jūmysynyŋ eŋ tabysty da, elge paidalysy da – biznes trenerlıgı boldy. Sol ıstı ärı damyta beru kerek-au. Aimaqtardaǧy 20 filial, parlamentten tietın 20 deputattyq mandattan artyq bolar edı.
Bükıl qazaqqa üi alyp beruge jaǧdai jasaimyn degenı maǧan utopiia, miraj bolyp körınedı. Öitkenı, üi almai-aq, sol qarjyny bizneske salyp, amerikandyqtarşa, europalyqtarşa ömır sürem degen jastar bar.
Sonymen qatar, tübınde üi alasyŋ ǧoi. Bastysy eŋbegıŋe qarai aqysy, tapqanyŋa qarai qūny bolsa, qaiyrlysy sol.
Menı taǧy bır oilandyratyn mäsele - bilıkke kegı ketken, biznesın tartyp alǧan, bilıgı barlar biznesımdı alyp qoidy degender osy künı, halyqqa ügıt aityp, alaŋǧa şaqyryp, partiia qūruǧa, jastarmen etene jaqyn boluǧa tyrysyp jatyr. Mūhtar Äbliazov, Marǧūlan Seisembai, Ahmetbek Nūrsila aǧalarymyzǧa kezınde äumeserlerdıŋ qolymen bizesın tartyp alǧany jaily jiı aşyq aityla bastady.
Oiym dūrys emes şyǧar, kelıspeseŋız de bolady. Bıraq, qolǧa tızgın tigen künı būl eşqandai halyqtıkı ne memlekettıkı emes, menıŋ maŋdai terım dep, esebın tügendeuı üşın tırlık qyluy mümkın. Adam ideal bolmaidy, bırı bolmasa bırınen sol şyǧaryn sezemın. Al keşegı DVK-danmyn degen oppozisionerdıŋ qazırgı bilıkke ılınıstırıp otyrǧan sūraqtary ol kısılerdıŋ ıştarlyǧyn körsetedı.
Aqaŋ maǧan 30% jetedı dep turasyn aitty. Ar jaǧyndaǧy 70%-dyŋ DVK qalaǧanyn alsa bolady. Olarǧa da 30-40 % jeter. Qalǧan partiialar bar. Bırın-bırı şalyp, älı barmaǧan partiiany bır-bırınen qyzǧanuy, DVK-da emestıŋ bärın "Nūrbotsyŋ" dep aiyptau – eş ūşpaqqa şyǧarmaidy.
Osy jazba üşın men de Nūrbot boluym mümkın. Olar turaly bır auyz maqtau jazbasam da! Oppozisiiaşyl bolsaŋ, aşyq pıkır men syndy kötere aluyŋ kerek. Kötere almasaŋ saǧan deiıngılerden aiyrmaşylyǧyŋ joq.
Joǧaryda atalǧan kısılermen jeke qysastyǧym, bolmasa arazdyǧym joq. Bıraq eldıŋ bolaşaǧy üşın jürmız deitın aǧalardyŋ bärıne aitatynym osy.
Almas Serıkūly
