Keşe Euraziialyq ekonomikalyq integrasiiany odan ärı damytu strategiiasyn talqylaǧan jiyn öttı. Odaqqa müşe memleket basşylary ony onlain ötkızıp, «2025 jylǧa deiıngı EAEO-nyŋ strategiialyq damu baǧyttary turaly» qūjatty aqyldasty.
Memleket basşysy Odaqqa müşe elder arasyndaǧy ekıjaqty yntymaqtastyqtyŋ köpqyrly ekenın atap ötıp, onyŋ ekonomikalyq, äleumettık, gumanitarlyq qatynastardy qamtitynyn jetkızdı.
" Sondyqtan atalǧan mäselelerdı besjaqty formatta Euraziialyq ekonomikalyq komissiiany qatystyra otyryp qarastyru, onyŋ naqty ıske asuyn qiyndatady. Densaulyq saqtau, bılım jäne ǧylym salalaryn Euraziialyq ekonomikalyq komissiianyŋ qūzyretıne tolyq kölemde beru, onyŋ ekonomikalyq baǧytyn aitarlyqtai özgertıp jıberuı mümkın. Iаǧni, 2015 jylǧy Euraziialyq ekonomikalyq odaq qūru turaly kelısımnıŋ mänıne qaişy keledı," – dedı Qasym-Jomart Toqaev.
Sondai-aq qūjatta euraziialyq ekonomikalyq komissiianyŋ qūzyretın keŋeitu turaly jazylǧanyn, olarǧa qosymşa pärmen berıletının tılge tiek etıp, oǧan kümänmen qaraitynyn, tıptı kelıspeitının aitty.
"Şynyna kelgende, mūnyŋ bärı ıs jüzınde qalai jüzege asatynyn elestetu qiyn. Ekıjaqty kelıssözderge komissiia ökılınıŋ qatysuy qalai bolmaq?! Qyzmetterdı saudalau salasynda investisiialar ūlttyq qūzırettılıkke jatady. Sebebı ol basqa elderdıŋ müddelerıne qaişy kelmeidı. Tiısınşe, būl jūmysqa komissiianyŋ adami jäne qarjylyq resurstaryn tartu, aşyǧyn aitqanda, bızge tüsınıksız", - dedı ol.
Taraptar küzde Minsk qalasynda bas qosytyn bolyp kelıstı. Toqaevtyŋ ūsynysymen integrasiiany damytudyŋ jospary sol jerde betpe-bet otyryp talqylanatyn boldy.
"Adyrna" ūlttyq portaly
