ALMATY, 21 mamyr – Sputnik. Koronavirus pandemiiasy Qazaqstandaǧy äue tasymalynyŋ tabysyna aitarlyqtai äser ettı. Jolauşylardy tasymaldaudan tüsetın tabys ötken jylmen salystyrǧanda 32,3%-ke azaiǧan. Al ūlttyq ekonomika ministrlıgınıŋ mälımdeuınşe, äue keŋıstıgıne qatysty salalarǧa memleket tarapynan qoldau körsetıledı. "Äue kölıgı käsıporyndarynyŋ qaŋtar-säuır aiynda jolauşylardy tasymaldaudan tüsken tabysy 69,1 milliard teŋgenı qūrady. Mūny ötken jyldyŋ säikes kezeŋımen salystyrsaq 32,3%-ke az", – delıngen Ranking.kz portalynda jariialanǧan aqparatta. Tabys deŋgeiı nauryz aiynda 13,8 milliard teŋgenı qūraǧan. Al Qazaqstannyŋ ışkı reisterınıŋ barlyǧy toqtatylǧan 1 säuırge deiın jyl basynan berı äue kölıgımen 1,7 million jolauşy tasymaldanǧan. Osyǧan orai ūlttyq ekonomika ministrlıgınıŋ habarlauynşa, memleket tarapynan äue kompaniialary men äuejailarǧa qosymşa qoldau şaralary ūsynylady. Atap aitqanda, jyl soŋyna deiın ūşaqqa satyp alynǧan qosalqy bölşekter importy qosymşa qūn salyǧynan bosatylady. Tehnikalyq jäne özge de qyzmet körsetu türlerınıŋ barlyǧy osyndai jeŋıldıkke ie bolady. Sondai-aq, äuejailardan jer salyǧy men jerdı paidalanǧany üşın eşqandai tölemaqy alynbaidy. Aita keteiık, Qazaqstanda 1 mamyrdan bastap ūşaqtar qaita ūşa bastady. Alǧaşqy künı-aq elımızdıŋ ırı äuejailary ornalasqan Nūr-Sūltan men Almatyda 700-ge juyq azamat äue kompaniialarynyŋ qyzmetın paidalanǧan.