Qazaqstannyŋ alǧaşqy premer-ministrı bolǧan Sergei Tereşenko mūnaidy azyq-tülıkpen almastyratyn uaqyt jetkenın aitty.
«Qazaqstannyŋ agroönerkäsıptık keşenın damytudyŋ bolaşaǧy» turaly onlain-konferensiiada omartaşylar odaǧynyŋ prezidentı Sergei Tereşenko Qazaqstandaǧy azyq-tülık önımderın öndıru, saqtau jäne ony ışkı/syrtqy naryqtarǧa satu jüiesıne tömen baǧa berdı. Kezınde ministrler kabinetın basqarǧan Tereşenko Ükımet būl jüienı äbden qūldyratyp jıbergenın de moiyndady.
Onyŋ aituynşa, 300 myŋ tonna qyryqqabatty ışkı naryqqa ötkıze almaǧan Ükımet şırıp ketken önımdı kömu üşın 2 mlrd teŋge qarjy jūmsaǧan.
«Öndıru jäne satu naryqtarynyŋ jüiesın jaqsylap tūryp bır ızge tüsıru kerek. Jüienıŋ terıstıgın mynadan baiqauǧa bolady: juyrda oŋtüstıkte 300 myŋ tonna qyryqqabat būzylyp kettı. Ony kömu üşın Ükımet 2 mlrd dollar böldı. Qyryqqabatty äkelıp, elımızdıŋ basqa qalalaryna tegın taratuǧa eşkımnıŋ fantaziiasy jetpedı», - deidı Tereşenko.
Eks-premer äzırge elımızde ösıru-saqtau-satu jüiesınde ötkızu mäselesı dūrys jolǧa qoiylmaǧanyn aitty.
«Menıŋ Türgende tūratyn dosym bar, öz aulasynda qūlpynai ösıredı, öte dämdı. Iаǧni, şaǧyn fermerlerdıŋ özı kez kelgen auyl şaruaşylyq önımın ösıre alady. Qazır Qazaqstan üşın ony saqtau, satu maŋyzdy. Mysaly, bız bal şyǧaramyz. Sūltanov myrza (Sauda jäne integrasiialar ministrı Baqyt Sūltanov – avt.) alsyn da, baldy sol satsyn. Bızdıŋ sauda-sattyqtaǧy standarttarymyz älemdık standartqa jatady. Iаǧni, qazır älem boiynşa mūnai baǧasy tüsken kezde, Qazaqstan mūnaidy nemen almastyru kerek ekenın tüsınu kerek. Al, mūnaidyŋ ornyna bız auyl şaruaşylyǧy önımderınıŋ köp türın sata alamyz», - dedı ol.
Qazaqstannyŋ auyl şaruaşylyǧy önımderın saqtau jäne satu naryǧy 90-şy jyldary «Qazaqstannyŋ tūtynu odaǧy» siiaqty qūrylymdardan bastalǧan. Sergei Tereşenko özı premer-ministr bolǧan kezde Ükımet būl jüienı nazarynan tys qaldyryp aldy deidı. Endıgı mındet – ol jüienı qazırgı zamannyŋ talabyna sai qaita jasau.
Sergei Tereşenko 1991-1994 jyldar aralyǧynda täuelsız Qazaqstannyŋ alǧaşqy premer-ministrı qyzmetın atqardy. Qazır ol saiasattanuşy, resmi türde omartaşylar odaǧynyŋ prezidentı.
Esterıŋızge sala keteiık, 28 säuırde Türkıstan oblysynyŋ äkımı Ömırzaq Şökeev aimaq şarualary 250 myŋ tonna oramjapyraqty ötkıze almai otyrǧanyn aityp, kömek sūraǧan.
Kenjekei Toqtamūrat,
Nūr-Sūltan
