Şymkent: ŪBT tapsyruǧa 7 myŋǧa juyq tülek onlain ötınış berdı

2802
Adyrna.kz Telegram
https://adyrna.kz/content/uploads/2020/05/shim-960x500.jpg?token=ea7f8a9cb8460544bb43269be582f76d
Bügın Şymkent qalasynyŋ äkımı M.Äitenovtıŋ töraǧalyǧymen Ūlttyq bıryŋǧai testıleuge daiyndyq barysy boiynşa onlain rejimde jiyn bolyp öttı. ŪBT tapsyru kezınde mektep tülekterınıŋ densaulyǧy basty nazarda ekenın aitqan qala basşysy testıleu ötkızu kezınde sanitarlyq talaptar men sanitarlyq-epidemiologiialyq şaralardy küşeituge airyqşa nazar audarudy tapsyrdy. Jiynda Ūlttyq bıryŋǧai testıleudıŋ daiyndyq barysy turaly baiandaǧan bılım basqarmasynyŋ basşysy J.Tajieva biylǧy 2019-2020 oqu jylynda bıtıruşı 8 885 tülektıŋ 6 799-y ŪBT tapsyruǧa ötınış bıldırgenın mälım ettı. «Elımızdegı tötenşe jaǧdaiǧa bailanysty ŪBT-ǧa ötınışterdı qabyldaudyŋ formatyna özgerıster engızıldı. Iаǧni, oquşylarymyz aǧymdaǧy jyldyŋ säuır aiynyŋ 15-nen bastap mamyr aiynyŋ 10-y künı aralyǧynda ŪBT-ǧa ötınışıterın onlain tırkedı. Al, testıleu qaladaǧy tört joǧary oqu oryndary janynan qūrylǧan Ūlttyq bıryŋǧai testıleu ortalyqtarynda ötkızıledı»,-dedı basqarma basşysy. Aita keteiık, biylǧy jyly ŪBT tapsyru formaty özgerıssız qala beredı. Iаǧni, Ūlttyq bıryŋǧai testıleu būrynǧyşa 2 bloktan tūrady. Bırınşı blokta 3 mındettı pän, ärqaisysy 20 tapsyrmadan. Atap aitqanda: matematikalyq sauattylyq, oqu sauattylyǧy jäne qazaqstan tarihy . Al ekınşı blokta 30 tapsyrmadan bolatyn 2 beiındı pän bolyp tabylady. Testıleu uaqyty - 3 saǧat 50 minut, maksimaldy ball – 140. Jiyndy qorytyndylaǧan Mūrat Düisenbekūly testıleu kezınde balalardyŋ qauıpsızdıgı üşın ärqaisysynyŋ saqtyq şaralaryn ūstanuyn qadaǧalaudy aityp, bırqatar sala jetekşılerıne ŪBT-ǧa daiyndyqty küşeitu boiynşa naqty tapsyrmalar jüktedı.

Şymkent 

Pıkırler