Ärbır ekınşı qazaqstandyq jūmyssyz qaluy mümkın - sarapşylar

Qazaqstandyq biznesmender kreditın tölei almai otyr. 2,5 myŋ jeke käsıpker TJ rejimı men karantinge bailanysty tölem uaqytyn keşıktırgen, - dep habarlaidy KTK telearnasy. Bırınşı kredittık biuro mälımetınşe, sūlulyq salon ielerı, qyzmet körsetu salasyndaǧy jūmysşylar, sondai-aq, saunalar men massaj salondary qaryzǧa belşeden batqan. Jalpy qaryz 147 million teŋgege jetken. Jaŋa bap, sarapşylardyŋ pıkırınşe, jūmystan bosatu tolqynyn tudyruy mümkın deidı. "16 nauryzdan bastap Almatyda qoǧamdyq tamaqtanu salasy jūmys ıstemeidı. Bügınde käsıpkerlerımız satylym joǧalyp, tabys tüspei, 12 mamyrdan bastap jūmysşylaryna eŋ tömengı jalaqy töleuge mäjbür. Būl, ärine, kelısımşarttardy būzuǧa äkep soǧady. Jergılıktı deŋgeidegı öŋırlık palata Respublikalyq deŋgeide būl mäselenı qaita qarauǧa şaqyrady", - dedı Almaty Käsıpkerler palatasynyŋ direktory Nariman Äbılşaiyqov. Sarapşylar koronavirus küzde oralsa, ärbır qazaqstandyq tūraqty tabysynan aiyryluy mümkın degen boljam aityp otyr. Alyp tastalǧan TJ köptıŋ kütkenındei bolmady. Karantin şaralary saqtalyp otyr. Al būl degenımız köptegen qazaqstandyq jūmyssyz otyr degen söz. Sarapşylardyŋ boljamy köŋıl könşıterlıktei emes. Karantinge deiın jūmyssyzdyq deŋgeiı 4,8 paiyzǧa teŋ bolsa, endı būl körsetkış 15 nemese odan da köp paiyzǧa ösuı yqtimal. "Pessimistık közqarasty aitar bolsa... Bız küz jäne qys mezgılderınde qataŋ karantinge jabylyp, jūmyssyzdyq 50 paiyzǧa jetuı mümkın", - deidı Qazaqstandyq qoǧam pıkırı men naryqty käsıbi zertteu qauymdastyǧynyŋ prezidentı Natalia Ospanova. Karantin uaqytynda almatylyq jūmyspen qamtu ortalyǧyna 5 myŋǧa juyq adam kelgen. Onyŋ 1200-ı ǧana jūmys tapqan. Şeneunıkter qazır vakansiiada taŋdau az deidı. "150 myŋ nemese odan da köp jalaqy alǧysy keledı. Mamandyǧy nemese täjıribesı boiynşa jūmys ıstegısı keledı. Alaida, ökınışke qarai, qazırgı uaqytta qyzmet körsetu, sauda, klining qyzmetı, dezinfektorlar qajet. Jalaqy deŋgeiı 85-120 myŋ aralyǧynla. Sondyqtan berıp tūrǧan jūmysty aluǧa keŋes berıp jatyr", - deidı Almaty äkımdıgı Halyqty jūmysen qamtu ortalyǧy direktorynyŋ orynbasary Nūrjan Autalif. Ol endı kompaniialar keŋselerde ünemdep, alystaǧy jūmys formatyn täjıribede qoldanatyn bolady dep sanaidy. Al jūmys käsıpterı men qyzmet körsetu salasy aman qalady. Sarapşylardyŋ pıkırınşe: eldı jappai jūmyssyzdyqtan qorǧau üşın şaǧyn jäne orta biznestı jedel qūtqaru kerek. Ol üşın salyq töleuden kem degende bır jylǧa bosatyluy tiıs käsıporyndardyŋ tızımın keŋeitudı ūsynylady. Eske salaiyq, 15 nauryzda Toqaev koronavirus pandemiiasyna bailanysty TJ rejimın engızgen bolatyn. Al 11 mamyrda 00 saǧat 00 minutta TJ rejimı aiaqtaldy.