Koronavirus infeksiiasy taraluynyŋ aldyn alu jönındegı qosymşa şaralar Nūr-Sūltanda 25 mamyrdan jüzege asyrylady
NŪR-SŪLTAN, 24 mamyr — Sputnik. Elordanyŋ bas memlekettık sanitar därıgerı Janna Pırälieva halyq arasynda koronavirus infeksiiasy taraluynyŋ aldyn alu jönındegı qosymşa şaralar turaly jaŋa qauly qabyldady.
Karantin kezınde astanalyqtarǧa ne ısteuge rūqsat etıldı
- 2 jäne odan da köp adamnyŋ bırlesıp seruendeuı kezınde mındettı türde maska kiıp, 2 metrden kem emes äleumettık qaşyqtyqty saqtai otyryp, tūratyn jerınen erkın şyǧuǧa rūqsat etıledı;
- aulalarǧa şyǧuǧa jäne saiabaqtarǧa, alaŋdarǧa, skverlerge, jaǧalauǧa mındettı türde maska kiıp, 3 adamnan aspaityn topqa nemese bır otbasy müşelerıne 2 metrden kem emes äleumettık qaşyqtyqty saqtai otyryp baruǧa rūqsat etıledı;
- 1.3. saiajai uchaskelerıne (qala syrtyndaǧy üilerge) baru üşın eldı mekennen kıruge/şyǧuǧa rūqsat etıledı;
- qoǧamdyq oryndarǧa, sonyŋ ışınde qalalyq qoǧamdyq kölıkterge jäne qyzmetı rūqsat etılgen obektılerge barǧan kezde maska, qolǧap kiıp jüru jäne antiseptik paidalanu boiynşa talaptardy qataŋ saqtau kerek;
- jeke, qyzmettık avtokölıktı jäne taksidı şekteusız paidalanuǧa rūqsat etıledı, tek taksi jäne qyzmettık kölık jürgızuşılerı mındettı türde maska, qolǧap kiıp, terı antiseptikterın paidalanuy qajet;
- 50 adamdyq orny bar dämhana men meiramhanalardyŋ jūmysyna rūqsat etıledı, körşı üstelderdıŋ şetkı oryndary arasyndaǧy äleumettık qaşyqtyq 2 metrden kem bolmauy kerek;
- sanitarlyq-epidemiologiialyq talaptar men karantindık rejimdı saqtai otyryp, bılım beru ortalyqtarynyŋ, ärtürlı sala mamandaryn daiarlau jäne qaita daiarlau kurstarynyŋ, seminarlyq sabaqtardyŋ, eresekterge arnalǧan üiırmelerdıŋ (jeke sabaqtar nemese 5 adamnan aspaityn toptar) qyzmetıne rūqsat etıledı;
- dıni nysandardyŋ (meşıtter, soborlar, şırkeuler, sinagogalar) qyzmetıne rūqsat etıledı, bıraq bır sätte kıretın adamnyŋ sany 50-den aspauy tiıs jäne 2 metr äleumettık araqaşyqtyq saqtaluy şart. Keluşıler är türlı esıkten kırıp, şyǧuy kerek.
Nūr-Sūltanda karantinde ne ısteuge tyiym salyndy
- ūjymdyq ıs-şaralar ötkızuge jäne banket pen saltanat zaldarynyŋ jūmysyna tyiym salynady;
- otbasylyq eske alu, ädet-ǧūryp jäne özge de ıs-şaralar ötkızuge, keiteringtık qyzmetter körsetuge jäne merekelerdı ūiymdastyru jönınde qyzmetter körsetuge tyiym salynady;
- COVID-19 ındetı taraluynyŋ tolyq tömendeuıne deiın tüngı klubtar, fitnes-klubtar men zaldar, trenajer zaldary (ortalyqtary), SPA-salondar, massaj kabinetterı, kosmetologiialyq kabinetter, klinikalar men ortalyqtar, mektepten tys qosymşa bılım beru ūiymdary (damytu ortalyqtary, bılım beru ortalyqtary, üiırmeler jäne t. b.), kompiuterlık klubtar, sport keşenderınıŋ (üiırmeler, seksiialar jäne t. b.) qyzmetıne tyiym salynady. Tek Ūlttyq Olimpiada komitetınde akkredittelgen sport bazalaryn ūlttyq qūrama komandalardy olimpiadalyq jäne paralimpiialyq oiyndarǧa daiarlau üşın ǧana paidalanuǧa bolady;
- Nūr-Sūltan qalasynyŋ aumaǧynda jüzetın seruendeu keme qūraldardyŋ jūmysyna tyiym salynady;
- köşe saudasynyŋ kez kelgen türıne tyiym salynady;
- adamdardyŋ qatysuyna bailanysty mektep jäne basqa da bılım beru mekemelerınıŋ tülekterı üşın baldar, keşter, soŋǧy qoŋyraulardy ötkızuge tyiym salynady;
- kezekşı toptardyŋ jūmysyn qospaǧanda, menşık nysanyna qaramastan mektepke deiıngı balalar mekemelerınıŋ qyzmetıne tyiym salynady.
