Din máseleleri boıynsha halyqtyń ǵana emes, aqparattyq-túsindirý toptary múshelerin qaıta daıarlaý jáne biliktiligin jetildirý jumystary úzdiksiz júrgizilýi kerek ekeni dinniń atyn jamylyp, elde soǵys otyn tutatqan Sırııadaǵy jaǵdaı taǵy da dáleldedi. Sondyqtan buǵan deıin aıryqsha kóńil aýdarylmaı kelgen bul jumys sońǵy jyldary belsendi túrde qolǵa alynýda. Odan qazir Qazaqstan da syrt qalǵan joq. Halyqtyń nysanaly toptary arasynda din máseleleri boıynsha aqparattyq-túsindirý jumystary músheleriniń quzyrettiligi men áleýetin arttyrý jáne profılaktıkalyq jumysta ınnovaııalyq tásilderdi engizý boıynsha áleýmettik joba sonyń kórinisi deýge bolady. Máselen, Aqparat jáne qoǵamdyq damý mınıstrliginiń Din isteri komıtetiniń málimetine qaraǵanda dinı ekstremızm men terrorızmniń aldyn alý, halyqtyń dinı saýattylyǵyn arttyrý boıynsha respýblıka kóleminde 200-den astam aqparattyq-túsindirý toptary bar eken.
Brıtan ekonomıka jáne beıbitshilik ınstıtýty jyl saıyn jarııalaıtyn «Global Terrorism Index» reıtınginde Qazaqstan 2019 jyly 160 eldiń ishinde óz kórsetkishin 10 pýnktke jaqsartyp 85-satydan kórindi. Degenmen, buǵan toqmeıilsýge áli erte. Atqarylatyn jumys jetkilikti. Ony terrorızm qaýipiniń tómendigi jaǵynan byltyr Reseıden (37) ǵana
ilgeri bolǵanymen, Qyrǵyzstan (87), Ázirbaıjan (103), Ózbekstan (135) elderiniń álemdik reıtıngtegi kórsetkishi bizden ilgeri ekeninen-aq baıqaýǵa bolady.
«Qazaqstan Respýblıkasyndaǵy lańkestik jáne ekstremızm máselelerin zertteý ortalyǵy» qoǵamdyq qorynyń jetekshisi Kákimjan Bıshmanovtyń aıtýynsha, QR Aqparat jáne qoǵamdyq damý mınıstrliginiń Din isteri komıteti qoldaýymen naýryz aıynda bastalǵan bul joba qarashaǵa deıin sozylady. «Azamattyq bastamalardy qoldaý ortalyǵy» KEAQ «Din máseleleri boıynsha aqparattyq-túsindirý toptarynyń múshelerin daıarlaý jáne qaıta daıarlaý boıynsha jumystardy uıymdastyrý» granty aıasynda júzege asyrylatyn jobanyń mindetteri aıqyn.
Birinshi, elimizdiń 17 óńirinde din máseleleri jóninde óńirlik aqparattyq-túsindirý toptary (ATT) músheleri úshin kóshpeli oqytý kýrstary uıymdastyrylyp, ataýly jumysty ótkizý boıynsha ınnovaııalyq ádister qoldanylady.
Ekinshi, ataýly toptarymen jumys isteý úshin din máseleleri jónindegi óńirlik ATT músheleri úshin tıptik dárister materıaldar jınaǵy men oqytý úshin ádistemelik baza jasalynady.
Úshinshi, árbir ataýly toptyń erekshelikterin eskere otyryp, sheshendik sheberlik pen kópshilik aldynda sóz sóıleý boıynsha óńirlik ATT músheleri úshin ádistemelik usynymdar ázirlenedi.
Tórtinshi, din máseleleri boıynsha óńirlik ATT músheleri úshin din salasyndaǵy ózekti máseleler boıynsha dáristik beınematerıaldar daıyndalady.
Qosymsha aqparat alý úshin kelesi baılanys túrleri arqyly habarlasýǵa bolady: +7 701 715 01 96 nemese bkm25@mail.ru. Sonymen qatar bizdiń resmı saıtymyzda www.antiterr.kz jáne #qogamgov, #cisc2020 heshtegi arqyly.
Erlik ERJANULY
