Dın mäselelerı boiynşa halyqtyŋ ǧana emes, aqparattyq-tüsındıru toptary müşelerın qaita daiarlau jäne bılıktılıgın jetıldıru jūmystary üzdıksız jürgızıluı kerek ekenı dınnıŋ atyn jamylyp, elde soǧys otyn tūtatqan Siriiadaǧy jaǧdai taǧy da däleldedı. Sondyqtan būǧan deiın airyqşa köŋıl audarylmai kelgen būl jūmys soŋǧy jyldary belsendı türde qolǧa alynuda. Odan qazır Qazaqstan da syrt qalǧan joq. Halyqtyŋ nysanaly toptary arasynda dın mäselelerı boiynşa aqparattyq-tüsındıru jūmystary müşelerınıŋ qūzyrettılıgı men äleuetın arttyru jäne profilaktikalyq jūmysta innovasiialyq täsılderdı engızu boiynşa äleumettık joba sonyŋ körınısı deuge bolady. Mäselen, Aqparat jäne qoǧamdyq damu ministrlıgınıŋ Dın ısterı komitetınıŋ mälımetıne qaraǧanda dıni ekstremizm men terrorizmnıŋ aldyn alu, halyqtyŋ dıni sauattylyǧyn arttyru boiynşa respublika kölemınde 200-den astam aqparattyq-tüsındıru toptary bar eken.
Britan ekonomika jäne beibıtşılık instituty jyl saiyn jariialaityn «Global Terrorism Index» reitingınde Qazaqstan 2019 jyly 160 eldıŋ ışınde öz körsetkışın 10 punktke jaqsartyp 85-satydan körındı. Degenmen, būǧan toqmeiılsuge älı erte. Atqarylatyn jūmys jetkılıktı. Ony terrorizm qauıpınıŋ tömendıgı jaǧynan byltyr Reseiden (37) ǧana
ılgerı bolǧanymen, Qyrǧyzstan (87), Äzırbaijan (103), Özbekstan (135) elderınıŋ älemdık reitingtegı körsetkışı bızden ılgerı ekenınen-aq baiqauǧa bolady.
«Qazaqstan Respublikasyndaǧy laŋkestık jäne ekstremizm mäselelerın zertteu ortalyǧy» qoǧamdyq qorynyŋ jetekşısı Käkımjan Bişmanovtyŋ aituynşa, QR Aqparat jäne qoǧamdyq damu ministrlıgınıŋ Dın ısterı komitetı qoldauymen nauryz aiynda bastalǧan būl joba qaraşaǧa deiın sozylady. «Azamattyq bastamalardy qoldau ortalyǧy» KEAQ «Dın mäselelerı boiynşa aqparattyq-tüsındıru toptarynyŋ müşelerın daiarlau jäne qaita daiarlau boiynşa jūmystardy ūiymdastyru» granty aiasynda jüzege asyrylatyn jobanyŋ mındetterı aiqyn.
Bırınşı, elımızdıŋ 17 öŋırınde dın mäselelerı jönınde öŋırlık aqparattyq-tüsındıru toptary (ATT) müşelerı üşın köşpelı oqytu kurstary ūiymdastyrylyp, atauly jūmysty ötkızu boiynşa innovasiialyq ädıster qoldanylady.
Ekınşı, atauly toptarymen jūmys ısteu üşın dın mäselelerı jönındegı öŋırlık ATT müşelerı üşın tiptık därıster materialdar jinaǧy men oqytu üşın ädıstemelık baza jasalynady.
Üşınşı, ärbır atauly toptyŋ erekşelıkterın eskere otyryp, şeşendık şeberlık pen köpşılık aldynda söz söileu boiynşa öŋırlık ATT müşelerı üşın ädıstemelık ūsynymdar äzırlenedı.
Törtınşı, dın mäselelerı boiynşa öŋırlık ATT müşelerı üşın dın salasyndaǧy özektı mäseleler boiynşa därıstık beinematerialdar daiyndalady.
Qosymşa aqparat alu üşın kelesı bailanys türlerı arqyly habarlasuǧa bolady: +7 701 715 01 96 nemese bkm25@mail.ru. Sonymen qatar bızdıŋ resmi saitymyzda www.antiterr.kz jäne #qogamgov, #cisc2020 heştegı arqyly.
Erlık ERJANŪLY
