Şymkent qalasynyŋ aqparattyq-kommunikasiialyq ortalyǧynda Bılım salasyndaǧy sapany qamtamasyz etu departamentı basşysynyŋ mındetın atqaruşysy Aqmaral Jünısovanyŋ qatysuymen bılım salasynda sapany qamtamasyz etu jäne bılım beru ūiymdaryn baqylau boiynşa normativtık qūqyqtyq aktılerge engızılgen özgerıster turaly onlain-brifing öttı.
Departament basşysy mındetın atqaruşysynyŋ mälımdeuınşe, engızılgen özgerıster barysynda pedagogtardy käsıbi mındetterıne kırmeitın jūmys türlerıne tartu, olardan qyzmettık mındetıne kırmeitın mäseleler boiynşa aqparat nemese esep talap etu faktılerı boiynşa ötınışter tüsken jaǧdaida pedagogtardyŋ qūqyqtaryn būzǧany üşın tiıstı tūlǧalar men käsıptık subektılerı jauapqa tartylady. Būl rette tekseru ısı Bılım beru sapasyn qamtamasyz etu departamentterı Qūqyqtyq statistika jäne arnaiy esep komitetınde jospardan tys tırkeledı.
Osy oraida Aqmaral Jünısova: «Joǧaryda atap ötken qūqyqtyq normalar būzylsa, «Äkımşılık qūqyq būzuşylyq turaly» Kodeksınıŋ 409 babyna säikes bırınşı eskertu jasalady, eger äkımşılık jaza qoldanylǧannan keiın bır jyl ışınde taǧy qaitalansa, 20-dan 120-ǧa deiıngı AEK mölşerınde aiyppūl salynady», – dedı.
Brifingte ūlttyq bıryŋǧai derekter qoryn jetıldıru tūrǧysynda aldaǧy oqu jylynda täuekel därejesın anyqtau jäne kelesı jartyjyldyqqa profilaktikalyq baqylau tızımın qalyptastyru üşın qandai aqparat közderı qoldanylatyny da söz boldy.
Atap aitsaq:
– Baqylau subektısı ūsynatyn, onyŋ ışınde avtomattandyrylǧan aqparattyq jüieler arqyly ūsynatyn eseptılık pen mälımetterdı monitoringıleu nätijelerı;
– Būrynǧy tekseruler men baru arqyly profilaktikalyq baqylau jäne qadaǧalau nätijelerı;
– Rastalǧan şaǧymdar men ötınışterdıŋ boluy jäne sany;
– Uäkılettı organdar men ūiymdar ūsynatyn mälımetterdı taldau nätijelerı.
Aqmaral Myrzabekqyzynyŋ aituynşa, özgerıster kezınde orta bılım beru ūiymdarynyŋ türlerı boiynşa jeke-jeke talaptar qarastyrylǧan. Iаǧni, gimnaziia, lisei, daryndy balalarǧa arnalǧan mamandandyrylǧan bılım beru ūiymdarynda joǧary jäne bırınşı kategoriiasy bar pedagogtardyŋ ülesı köbırek boluy kerek. Oǧan qosa, bılım beru ūiymdarynyŋ materialdyq qūral-jabdyqtaryna qatysty talaptar küşeitılıp, kompiuter klastary, internet jelısı qosyluy jäne beinebaqylaudyŋ boluyn qajet etetın normalar engızılgen.
Sondai-aq, özgerısterde tehnikalyq jäne käsıptık bılım beru, kolledj jäne joǧary kolledjderde mamandyq boiynşa jūmysqa ornalasqandar men jūmyspen qamtylǧandardyŋ ülesı kemınde 75% qūrauy turaly, al jataqhana nemese hosteldegı studentterge tūrmystyq jaǧdai jasau qajet ekendıgı turaly talaptar tolyqtyrylǧan.
«Aldaǧy uaqytta bılım beru ūiymdaryna qoiylatyn talaptar küşeitılıp, bılım beru sapasynyŋ artuy közdelude», - dep sözın tüiındedı A.Jünısova.BAQ ökılderı tarapynan qoiylǧan sūraqtarǧa tiianaqty jauap berıldı.
Şymkent qalasy
