Ile-Alatau parkınıŋ bır bölıgı jeke qolǧa qalai ötıp kettı?

Jūrt koronaviruspen äure bolyp jürgende Ile-Alatau memlekettık ūlttyq tabiǧi parkınıŋ bır bölıgı qalaişa jeke qolǧa ötıp ketkenın bügın Ekologiia vise-ministrı tılşılerdı jinap tüsındıruge tyrysty dep habarlaidy KTK telearnasy. Ülken Almaty kölı, Talǧar orman şaruaşylyǧy, Türgen jäne taǧy basqa da qoryq aumaǧyna kıretın bırqatar jerler jeke kompaniialardyŋ bırıne 49 jylǧa jalǧa berılıptı. «Tenderdı tek turizmdı damytu maqsatynda  ötkızdık» dep aqtalǧan şeneunıkter basqalardyŋ būl memlekettık satyp aluǧa qyzyqpaǧanyn aitady. Alaida jurnalisterge  ötkızılgen jiynǧa sau ete qalǧan özge turizm ökılderı olardyŋ ötırıgın şyǧardy. Qyruar aqşanyŋ közıne ainalǧan Alatauǧa talas jaily:   Ile-Alatau ūlttyq tabiǧi parkı qazır karantinge jabyq. Jeke qolǧa ötken jerdıŋ jaiyn jurnalisterge tüsındıruge asyqqan Ekologiia vise-ministrı Erlan Nysanbaev mūny esten şyǧarsa kerek. Aiyppūldan qorqaqtasaq ta, astanadan at aryltyp kelgen şeneunıktıŋ artynan tyiym salynǧan aumaqqa öttık. Al betperde kiiudı de qajet dep tappaǧan vise-ministrge Alataudyŋ taza auasy äser ettı me, älde tuǧan jerdıŋ topyraǧy tartty ma, äiteuır tabiǧatqa degen sezımın aqtardy. Erlan Nysanbaev, Ekologiia, geologiia jäne tabiǧi resurstar vise-ministrı: - Tabiǧatty jaqsy köremın! Bız endı ormanşymyz ǧoi, menıŋ mamandyǧym orman salasynan – injenermın. Tabiǧat keremet qoi! Aŋǧa barmaimyn, myltyq ta joq mende, bıraq balyqqa baryp tūramyn. Bıraq vise-ministrdyŋ būl jolǧy maqsaty – tabiǧatty tamaşalaudan būryn,  ūlttyq park aumaǧynda bastalǧaly jatqan ülken biznestı būqaraǧa tüsındıru. Sözıne sensek, tenderdı ūtqan investor Alatau bauraiyn etno-auyldarǧa toltyrady. Odan qaldy, turisterdıŋ tynyǧuyna arnalǧan kempingter aşady. Tömende tolǧan meiramhanalarǧa tüspei, tau arasynda jürıp-aq tamaq jeitın oryndar paida bolady eken. Al eŋ bastysy, «memlekettık qazyna qampaiady» - deidı Erlan Nysanbaev. Erlan Nysanbaev, Ekologiia, geologiia jäne tabiǧi resurstar vise-ministrı: - 14 milliard aqşa salamyn dep otyr. Ol qomaqty soma. - 14 milliard dollar ma? - 14 milliard teŋge! Özderıŋız bılesızder, osynşama nysan salynsa, ol bırınşıden, jūmys orny, ekınşıden, būl tabys. Tabys közı bolǧan soŋ, onyŋ artynda salyq bar. Jyl saiyn qazynaǧa 1 milllard 200 milliondai aqşa tüsedı dep boljanyp otyr. Ülken Almaty kölı, Talǧar orman şaruaşylyǧy, Türgen, Butakovka men Alma-Arasan şatqaldary jäne taǧy basqa aumaǧy 35 gektar bolatyn jerdı baqandai 49 jylǧa jalǧa alǧan kompaniia aşylatyn nysandardyŋ suretterıne deiın salyp qoiypty. Al tender nauryz aiynda ötkızılıptı. Bır qyzyǧy, jerdı ielengen kompaniia sol memlekettık satyp aluǧa jalǧyz qatysqan. Damir Malgeldiev, «Ile-Alatau» ūlttyq tabiǧi parkınıŋ bas direktory: - Bır ai saitta tūrdy. Köpşılık kördı. Myna bolǧan jaǧdai, men sızderge aityp keteiın, karantinge deiın bolǧan jaǧdai. Sodan eşkım bolmaǧannan keiın bız zaŋ boiynşa «Kultau» degen investor bızge qatysty, komissiiamen qaraldy jäne bır dauyspen bärı. Şeşım de nebärı jarty saǧattyŋ aiasynda qabyldanǧan. Al firmanyŋ özı būǧan deiın Qapşaǧaidyŋ töŋıregındegı jer uchaskelerın alyp-satumen ainalysypty. Iаǧni, turizmge de, tabiǧatqa da qatysy joq. Dese de «tenderge basqa eşkım qyzyǧuşylyq tanytpady» degen şeneunıkterdıŋ sözın taudaǧy jinalysqa sau ete qalǧan özge turizm ökılderı terıske şyǧardy. Asqar Bäkiev, tau saiahatşylarynyŋ gidı: - Bız de osy ekologiialyq palataly lager boiynşa jobany küzde bergenbız,  Ile-Alatau ūlttyq parkıne. Bıraq   eşqandai jauap alǧan joqpyz. Būl tenderdı qaitadan ötkızgenı dūrys. Barlyq tur kompaniialar jäne de sol salada täjıribesı bar kompaniialar qatyssa, ädıl boluşy edı. Ile-Alatau ūlttyq parkı. Auasyn ökpeŋdı qanşa toltyra jūtsaŋ da, toimaisyŋ. Özennıŋ syldyry, qūstardyŋ sairaǧany estıledı. Bıraq, būl tynyştyq köp ūzamai būzylady. Tenderge özı ǧana qatysyp, özı ūtyp alǧan kompaniia kelesı aptadan bastap jūmysyn bastaidy. Al bır aidan keiın mūnda şyrşalardyŋ janynda jaŋadan nysandar paida bola bastaidy.