1997 jyly Elbasy N.Nazarbaevtyń Jarlyǵymen 31 mamyr Saıası qýǵyn-súrgin qurbandaryn eske alý kúni retinde belgilengen edi. Bul – qasiretti kezeńde zobalań kórgen halqymyzdyń kórnekti memleket jáne qoǵam qaıratkerlerine degen qurmet. Sodan beri atalǵan úrdis jalǵasyp keledi. Memleket basshysy Qasym-Jomart Toqaevtyń búgingi Úndeýi sózimizge dálel.
Prezıdent Úndeý kezinde náýbet qurbandaryn máńgi este qaldyrý úshin memlekettik deńgeıdegi tıisti sharalardy júzege asyra bastaǵanyn alǵa tartty. Sonyń biri Q.Toqaevtyń: «Tarıhı ádildikti qalpyna keltirý jumystaryn aıaqtap, saıası qýǵyn-súrgin qurbandaryn aqtaý úshin arnaıy memlekettik komıssııa qurýdy tapsyrdym» degeni bárimizdi de qýantty. Iaǵnı, elimizdiń tarıh betterinde jańa paraqtar ashylady degen sóz.
Bul betburys Táýelsiz Qazaqstannyń dińgegin qataıta túsetini anyq. Al óz kezeginde búgingi urpaq ótken ǵasyrdaǵy eń qıly kezeńniń birinde jazyqsyz japa shekkenderdiń rýhyna taǵzym etý perzenttik paryz ekenin umytpaýymyz kerek!
Isamýdın RYSBAI,
Shymkent qalalyq Ardagerler keńesiniń tóraǵasy
