Almaty blok-beketınde qaitys bolǧan Dastan Äbdıqanovtyŋ anasy Janatgül Abirova ınstagram paraqşasynda prezident Q.Toqaevtan kömek sūrap, qylmyskerdı ädıl jazalaudy sūrady.
"Men qyzmet babynda qaza bolǧan Abdyqanov Dastannyŋ anasymyn. Dastan 26 jasynda Elı men Otany aldynda adal qyzmet etıp jürıp, kısı qolynan qaza boldy. Äleumettık jelıden kelınım Dinara küieuınıŋ ölımıne kınälı Azat Azamatovtyŋ suretın körgende bırden tanyǧan. Sebebı, ol küieuı jūmysta bolǧan uaqytta ünemı söilesıp otyrǧan, onyŋ kımmen bırge smenge tüsetının jaqsy bılgen. "Qylmyskerdıŋ polisiiada älı de jūmys ısteitının, jelıde jalǧan aqparat taralyp jatqandyǧyn, tek şyndyqty aityŋyzdar" dep jazǧanyn rastaimyn. Äkesı tılşılerge kelınımen söilespei tūryp, «öz oiymen kelınım eşqandai jazba qaldyrǧan joq» dep sūqbat bergen. Şyndyǧynda kelınınıŋ jazbasy turaly bılmegen. Bızdıŋ bır-bırımızben äŋgımelesıp, jelı qarap, talqylauǧa jaǧdaimyz bolǧan joq. Men ūlymnyŋ abyroiyna nūqsan kelmeuın jäne qylmyskerdıŋ ädıl, zaŋ talaptaryna sai, qataŋ jazalanuyn sūraimyn. Būl asa qaiǧyly ıstıŋ aq qarasyn anyqtap, qanyşer qylmyskerdıŋ ädıl jazasyn aluyn talap etemın. Men eşkımge senbeimın. Qūrmettı Prezident Qasym-Jomart Kemelūly Toqaev myrza osy ıs tıkelei öz baqylauyŋyzda bolyp, qylmysker ädıl jazasyn alady dep, senemın", - dep jazba jariialaǧan.
Eske sala ketsek, būǧan deiın Almatydaǧy blokpostta bolǧan jol-kölık oqiǧasynan köz jūmǧan poliseidıŋ jūbaiy Dinara Äbdıqanova BMW jürgızuşısı Azat Azamatovtyŋ qatardaǧy qūqyq qorǧau qyzmetkerı ekenın habarlaǧan. Al Azat Azamatovtyŋ äkesı ūlynyŋ ısıne ökınetının aityp, keşırım sūraǧan.
https://www.instagram.com/abirovazhanatgul/
"Adyrna" ūlttyq portaly
https://www.instagram.com/abirovazhanatgul/
