"Otbasy banki"qalaı jumys isteıdi?

2708
Adyrna.kz Telegram

Qazirgi kezde respýblıka boıynsha árbir ákimdikte baspana kezegi júrgiziledi. Al Otbasy bankinde biryńǵaı tizim bolady degen jospar bar. 

Indýstrııa jáne ınfraqurylymdyq damý mınıstri Beıbit Atamqulov Otbasy bankin qurý týraly aıtyp berdi, dep habarlaıdy Sputnik Qazaqstan tilshisi.

Mınıstrdiń aıtýynsha, jańa turǵyn úı saıasaty boıynsha árbir adam qaltasyna qaraı baspana alýy qajet. Osyǵan oraı ákimdik kezeginde turǵan azamattarǵa da úı alýdy san alýan joldary usynylady. Tabysy tómen adamdar jaldamaly úıge kire alady, al kirisi joǵary azamattar úshin jeńildetilgen ıpoteka qarastyrylǵan. Osy jumyspen burynǵydaı Turǵyn úı qurylys jınaq banki aınalysady.

Biraq onyń ataýyn "Otbasy bank" dep ózgertý usynylyp otyr. Sonyń negizinde "Alǵashqy baspanamen qamtamasyz etý ortalyǵy" qurylady.

"Jańa júıe boıynsha adamdar tabysyna qaraı turǵyn úı satyp alý joldaryn tańdaıdy. Mysaly, eger tabysyńyz 1 eń tómengi kúnkóris deńgeıine, ıaǵnı 32,7 myń teńgege jetpese, onda sizdiń jaldamaly páterdi alýǵa quqyǵyńyz bar. Ondaı baspana jeke menshikke satylmaıdy. Sonda osy sanattaǵy adam Otbasy bankine kelip, tirkeýge turady. Sóıtip, kezekke turyp, jaldamaly páter baǵdarlamasy boıynsha baspana alady", - dedi Atamqulov búgingi esep berý kezdesýinde.

Onyń sózine qaraǵanda, qazirgi kezde respýblıka boıynsha árbir ákimdikte baspana kezegi júrgiziledi. Al Otbasy bankinde biryńǵaı tizim bolady degen jospar bar.

"Bul degenimiz, Qazaqstan azamaty "Otbasy bankiniń" aqparattyq bazasynda bolatyn kezek boıynsha baspanany kez kelgen oblysta ala alady", - deıdi Atamqulov.

sputniknews.kz

 

Pikirler