Muhtar ShERIM. Biz de jigit bolǵanbyz!

3310
Adyrna.kz Telegram

Qyshqyl satıra
Ol shylymyn sorep‒sorep aldy da, jerge atyp uryp, týflıiniń tabanymen myjǵylaı bastady. Sosyn, áńgimesin bastady:
‒Biz de jigit bolǵanbyz, on segizge tolǵanbyz, beshir jasap, talaı úıde qonǵanbyz! ‒dedi kórshim esine áldenelerdi túsirip, ‒ qazirgi «shególder» she?
‒Iıa, jasóspirimder?
‒Qazirgi «shególderge» tań qalamyn.
‒Iıa, men de tań qalamyn.
‒Meniń aıtqanymdy qaıtalaı bermeshi?
‒Jynyń kelip turǵandaı ma?
‒Iıa. Qazirgi jasóspirimder, shıebóriler sııaqty. Shakaldar jemtigine jabyla ketedi ǵoı? Baıaǵyda, bizdiń kezimizde de jigitter arasynda kelispeýshilik, tóbeles bolyp turatyn. Biraq, jabylyp urǵan emes. Eregisip qaldy ma? Eki jaqtyń jigitteri qarap turatyn. Sosyn, anaý ekeýi jekpe‒jekke shyǵatyn. Áke‒shesheden jiberetin endi. Biraq, jaqtaspaıdy. Sosyn ekeýdiń biri jeńilip, murny qanap, ony jalap, jan‒jaǵyna kúlip qarap, naǵyz erkektershe bir‒biriniń qolyn alysyp, dos bolyp tarasatyn. Al, qazir she?
‒Qazir ondaılar shıebórishe jabylyp ketedi. Bastan tebedi, kirpishpen urady, pyshaq ta suǵady, áıteýir óltirip tynady.
‒Osy da erkektik pe? Qatyn tirlik qoı? Qatyndar da jabylyp sabaı alady! ‒degen kórshim qyzyna sóıledi, ‒áı, qazir bilekti emes, bilimdi jeńetinin osy jastarǵa ata‒analary nege túsindirmeıdi? Nege qadaǵalamaıdy?
‒Bári jumysta, ýaqyttary joq.
‒Meniń tań qalatynym, balasy qylmysqa baryp, adam óltirse de, «Oıbaı, meniń balam ádeıi óltirgen joq, oıbaı meniń balam ondaı emes! Oıbaı da, oıbaı!» dep oıbaılaıtyn ata‒analarǵa túsinbeımin? Áı, balań qylmys jasady ma? «Sol kerek, ózine!» de! Qara jamylyp otyrǵan otbasynyń qarǵysyn alǵansha? Solaı emes pe?
‒Solaı. Qazir qyzdar da tóbelesetin boldy ǵoı?
‒Aıtpa endi! Túngi klýbtarda sekeńdep júrip, jigitterdi qyzǵanyp, bir‒biriniń shashtarynan ustaı julysyp, jerge aýnasyp, birin‒biri tepkilep jatqan qyzdar kúni erteń qandaı ana? Kimge pana?
‒Urtymyzdy tompaıtyp, ultymyzdyń bolashaǵy dep aıtýǵa uıalasyń...
‒Uıalǵany nesi? Men qumyrysqanyń ıleýin kórsem, solarmen birge inge kirip kete jazdaımyn!
‒Durys aıtasyń, kórshi!
‒Endi mynaǵan kóńil bólshi. Kúni keshe Shymkentte 17 jasar stýdent bir top bozbalanyń jabylyp uryp tastaýy saldarynan qaıtys boldy. Baıǵustyń tyrnaqtarynan deıin julyp tastaǵan. Shlakoblokpen basyna urǵan. Bul qandaı jaýyzdyq? Qaıdan kelgen qatygezdik? Qudaıym, osyndaı odyrańdaǵan qanisherlerden saqtasyn!

Muhtar Sherim

Pikirler