Näsılşıldıkke qarsy şeruler Europada da jalǧasuda

AQŞ-ta bastalǧan näsılşıldıkke qarsy şeruler älemnıŋ bırneşe elınde jalǧasuda. Bügın myŋdaǧan belsendıler Europa men Amerikanyŋ ondaǧan qalasynda narazylyq aksiialaryna şyqty dep habarlaidy «Adyrna» ūlttyq portaly bbc.com – ǧa sılteme jasap.   Ūlybritaniiadaǧy şeruler London, Manchester, Kardiff jäne basqa qalalarda öttı. Londonda demonstranttar tıze bügıp: «Ädıldık joq, beibıtşılık joq!» - dep ūrandatty.Ükımet pandemiiaǧa bailanysty jinalmauǧa nūsqau bergenıne qaramastan , adamdar şeruge şyǧuda.   Soŋǧy mälımetter boiynşa, narazylyq aksiialary kezınde 23 polisiia qyzmetkerı jaraqat alǧan.   Londondaǧy demonstranttar betperde men qolǧap kiıp şyqty. Keibıreuler «COVID-19-dan da qauıptı virus bar jäne ony näsılşıldık dep ataidy» degen plakattar alyp jürdı. Soltüstık İrlandiia polisiiasy köptegen adamdarǧa aiyppūl saldy, öitkenı adamdarǧa jinaluǧa tyiym salynǧan .   Taŋerteŋ myŋdaǧan avstraliialyqtar «Qaralardyŋ ömırı maŋyzdy» degen ūranmen mitingke şyqty. Sonymen qatar şaraǧa qatysuşylar avstraliialyq aborigender qoǧamyndaǧy teŋsızdıktı de atap öttı.   Vaşingtonda myŋdaǧan adam näsılşıldık pen polisiianyŋ zorlyq-zombylyǧyna narazylyq bıldırıp, taǧy da köşege şyqty. Demonstrasiialar Kapitolii töbesı men Aq üidıŋ janynda öttı. AQŞ-taǧy narazylyq aksiialary 12 kün boiy jalǧasyp jatyr.   Senbıde Kanadanyŋ Toronto qalasynda bırneşe myŋ adam köşege şyqty. Jergılıktı polisiia barlyq demonstrasiialar beibıt türde ötıp jatyr dep habarlady.   Al Fransiiadaǧy narazylyq  aksiialaryna  20 myŋnan astam demonstrant qatysty. Bügın Lill qalalyq polisiiasy narazylyq bıldıruşılerdı taratu üşın közden jas aǧyzatyn gazdy qoldandy .   Älemde bolyp jatyrǧan būl narazylyq aksiialary AQŞ-taǧy qara näsıldı küzetşınıŋ polisei qolynan qaza tabuyna bailanysty bastalǧan bolatyn.