Jaqynda "Almatyda atyşuly Ryjii Almazdyŋ bauyry sottaldy" degen taqyryppen maqalalar aqparattyq saittarda kezek-kezek jariialandy. Onda Transtelekomnyŋ būrynǧy basşysy Asqar Näsenovke tört jyldyq ükım şyǧarylǧany jazylǧan.
Asqar Näsenovtı Nesıpbaidyŋ bauyry dep jazu arqyly müddelı top aldymen "Ryjii Almazdyŋ" atyn maldanudy, ekınşıden tuystyq qatynas arqyly bilıkke, basşylyqqa tanystyqpen jolmen jettı degendı közdep otyr. Būl tübırımen qate oi, terıs tüsınık.
Asqar men Nesıpbaidyŋ äkesı bır bolǧanymen, şeşelerı bölek. "Ryjii Almazdyŋ" atyşuly kezeŋınde basqa ınılerı öte jas boldy. Ekonomist ärı tarihşy äkesı B. Näsenovtıŋ estelıgınde Nesıpbaidyŋ bauyrlaryna kesırın tigızbeu maqsatynda olarmen jaqyn aralaspaǧany jetkılıktı däleldengen.
Eŋ soraqysy, A. Näsenovtıŋ qyzmetın 22 jyl būryn (1998 jylǧy 31 mamyr) kısı qolynan opat bolyp ketken Nesıpbai marqūmnyŋ esımımen bailanystyra jazu eş aqylǧa syimaidy.
Aiyptalyp otyrǧan A. Näsenov - joǧary bılım alǧan, sol bılımımen bırtalai belestı baǧyndyrǧan sanauly mamannyŋ bırı. Onyŋ bır basyna jeterlık qarym-qabıletımen "Ryjii Almazdyŋ" ataǧyn, aqşasyn paidalanyp, qyzmetke köterıluı mümkın emes.
Asqardyŋ äkesı Bolatbek Näsenūly elımızdıŋ salyq, ekonomika, kırıster ministrlıgınde ūzaq jyldar qyzmet sıŋırgen. Ol kısı balalarynyŋ joǧary bılım aluy, adal, paidaly qyzmet etuı üşın jaqsy tärbie berıp ösırgen.
Ūlynyŋ jazyqsyz sottalyp otyrǧanyna, jalǧan prokurorlar men alaiaq sottardyŋ kesırınen türmege naqaq qamalǧanyna, ony jüzege asyruşy bır toptyŋ baryna senımdı.
Aqparattyq saittardyŋ jerden jetı qoian tapqandai jarysa jariialauy olardyŋ aqparattyŋ aq-qarasyn ajyratpai, tek bırjaqty ketıp, aiyptauşy taraptyŋ müddesıne qyzmet etıp otyrǧanyn aiǧaqtaidy.
Zaŋǧar Kärımhan
